U arrestuan në Spanjë, policia shqiptare i bllokon 5 mln euro pasuri
Policia: Arjan Ndoci dhe Julian Deblini u kapën më 30 prill me 1 ton kokainë Dyshohet se paratë janë fituar nëpërmjet drogës
Policia e Shtetit dhe Prokuroria e Krimeve të Rënda kanë sekuestruar 5 milionë euro pasuri të një grupi kriminal shqiptar. Bëhet fjalë për pasuritë e shtetasve Arjan Ndoci dhe Julian Deblini të arrestuar më 30 prill në Spanjë për trafikim ndërkombëtar të lëndëve narkotike nga Amerika Latine në vendet e Europës. Falë një operacioni të përbashkët të autoriteteve të sipërpërmendura, bëhet me dije se janë bllokuar llogari bankare të shtetasve të mësipërm dhe të familjarëve të tyre, si dhe pasuri të patundshme, të tilla si apartamente e biznese. Dyshohet se Ndoci dhe Deblini paratë e fituara nëpërmjet veprimtarisë kriminale i kanë investuar në disa qytete të vendit, kryesisht në Tiranë. Policia e Shtetit në bashkëpunim me Prokurorinë e Krimeve të Rënda dhe agjencitë ligjzbatuese amerikane dhe spanjolle po vijojnë veprimet për identifikimin e personave të tjerë të përfshirë në këtë aktivitet kriminal si dhe për pasuri të tjera, të luajtshme apo të paluajtshme, llogari bankare, të dyshuara me prejardhje kriminale në shtete të ndryshme ku është zhvilluar ky aktivitet kriminal.
ARRESTIMI
Më datë 30 prill 2018, autoritetet policore spanjolle në bashkëpunim DEA dhe EUROPOL kanë arrestuar në flagrancë shtetasit shqiptarë, Arjan Ndoci 41 vjeç, lindur dhe banues në Laç, Kurbin, i njohur ndryshe edhe me emrat Dritan Gradica, Ardjan Noka, Mondi Prenga, Mond Gjoni, Don Gjoni; Julian Deblini ( Bedlini), 35 vjeç, lindur dhe banues në Lezhë. Ata akuzohen për veprën penale të "Trafikimit ndërkombëtar të lëndëve narkotike", pas kapjes së një sasie prej 1.000 kg kokainë, e cila dyshohet se vinte nga Kolumbia si dhe të një shume prej 1.550.000 Euro ' cash'. Këta 2 shtetas Policia e Shtetit dhe Prokuroria e Krimeve të Rënda falë një operacioni të përbashkët kanë sekuestruar 5 milionë euro pasuri të shtetasve Arjan Ndoci dhe Julian Deblini, të arrestuar më 30 prill në Spanjë, për trafikim ndërkombëtar të lëndëve narkotike nga Amerika Latine në vendet e Europës. Konkretisht, bëhet me dije se janë bllokuar llogari bankare të shtetasve të mësipërm dhe të familjarëve të tyre, si dhe pasuri të patundshme, të tilla si apartamente e biznese.