Rama: Veting politikanëve sa më parë, ta diskutojmë me PD
Kryeministri: Policia flet me vepra, opozita bën politikë me krimin "Bashkëqeverisja, kryebashkiakët në këmbë si ministrat"
Kryeministri Edi Rama shprehu dje gatishmërinë për të nisur sa më parë vetingun edhe për politikanët, ndërsa u shpreh i hapur që të diskutojë me Partinë Demokratike. Pas propozimit të bërë nga kreu i PD- së, Lulzim Basha, kryeministri shkroi në rrjetin social "Twitter": "Veting politikanëve? Sa më parë! Me një drejtësi të pastruar përmes vetingut, s'do ketë më as në këtë vend shteg për politikanët që t'i ikin drejtësisë. Dhe çdo ide tjetër për të rritur llogaridhënien e politikanëve është e mirëseardhur. Gjithnjë gati të diskutojmë me PD". Ndërkohë, në një tjetër postim, Rama publikoi edhe grafikë me shifrat e kriminalitetit. "E vërteta e shifrave të krimit dhe rezultateve në vite të policisë në Shkodër flet qartë, paçka se s'çan dot në tregun mediatik. Sot Policia e Shtetit ka folur përsëri me vepra. Me llafet e kujt ikën nga Kuvendi për të bërë politikë me krimin qytet më qytet s'ia vlen të merresh", u shpreh Rama duke nënkuptuar akuzat dhe veprimet e opozitës.
SHKARKIMI
Po dje kryeministri Edi Rama, nisur edhe nga ankesat e qytetarëve për zvarritje të çështjeve që lidhen me pronësinë në Fier, urdhëroi shkarkimin e drejtorit të Hipotekës së Fierit. Lajmin e bëri të ditur vetë kryeministri Rama në takimin e përjavshëm me koordinatorët e bashkëqeverisjes në Sallën e Hartave. Vetëm në këtë takim u paraqitën 3 raste të ankesave të qytetarëve për çështje të pazgjidhura në Hipotekën e Fierit. Njëri prej rasteve kishte të bënte me ankesën e një 77- vjeçari, i cili nuk
pajisej me certifikatën e pronësisë së tokës bujqësore, edhe pse kishte ndjekur të gjitha hallkat administrative. 77- vjeçari atë pasuri e kishte marrë në mënyrë të ligjshme dhe donte t'ia linte trashëgim së bijës. Në tetor 2017, ai aplikoi pasi kishte mbyllur të gjitha procedurat në Bashkinë Roskovec. Iu drejtua ADISA- s,
por edhe pse plotësoi dokumentacionin e kërkuar, çështja vijoi të zvarritej nga hipoteka. Pas ankesës në platformën e bashkëqeverisjes, ai u pajis me certifikatën e pronësisë. "Platforma e bashkëqeverisjes na ndez ' llambat e kuqe' aty ku duhet të ndërhyjmë. Fakti që qytetarët thonë kam 6- 7 muaj, apo 1 vit, është e mjaf- Ish- ministri i Drejtësisë, Gazment Bardhi, tha dje se: "Edi Rama refuzon vetingun e politikanëve! Kjo provon se ka lidhur pushtetin e tij me krimin e organizuar! Si në çdo rast ku është në vështirësi, edhe sot thirri në ndihmë drejtësinë e korruptuar e të kontrolluar politikisht prej tij".
tueshme në këtë aspekt", - tha Rama, duke shtuar se platforma e bashkëqeverisjes nuk është thjesht një slogan, por është realitet. Në takimin me koordinatorët e bashkëqeverisjes, kryeministri Edi Rama ka përsëritur paralajmërimin për kryetarët e bashkive dhe drejtorët e institucioneve që nuk përgjigjen ndaj ankesave të qytetarëve. Rama ka thënë se çdo kryetar bashkie duhet të përgjigjet për çdo ankesë, njësoj si çdo ministër, që sipas tij raporton me përgjegjshmëri për detyrën e tij. "Do detyrohemi të nisim me emra e mbiemra nëse bashkitë nuk fillojnë të përgjigjen. Nëse edhe sot në vitin 2018 i ndajnë qytetarët në të ardhur dhe të tyret e s'duan t'ia dinë fare apo për inat të bashkëqeverisjes ua faturojnë fajin qytetarëve, kjo është fatkeqësi. Të marrin masat, t'u përgjigjen platformës, ose do i nxjerrim me emër e mbiemër bashkë me rastet kur nuk u kanë dhënë ndihmë qytetarëve. Çdo kryetar bashkie duhet të ngrihet në këmbë ashtu siç ngrihet çdo ministër. Këtu bëhet nami, çdo ministër raporton për ecurinë e punës, me përgjegjësi të plotë", tha Rama.