Ruçi: Opozita nuk ka arsye të kërkojë kthimin pas të reformës në drejtësi
Kreu i Kuvendit takon raporterët e Asamblesë së Këshillit të Evropës
Kryetari
i Kuvendit, Gramoz Ruçi u takua dje me raporterët e Komitetit Monitorues të AP të Këshillit të Evropës, Andrej Hunko, përfaqësues i Bundestagut gjerman dhe Joseph O'Reilly, senator i Dhomës së Lartë të Irlandës, të cilët ndodhen në Shqipëri për një vizitë faktmbledhëse për monitorimin e detyrimeve dhe angazhimeve të Shqipërisë. Gjatë takimit u diskutua mbi zbatimin nga Shqipëria të standardeve të Këshillit të Europës, për zhvillimet e fundit politike, prioritetet e qeverisjes, ecurinë e zbatimit të reformave, luftën kundër korrupsionit dhe krimit të organizuar dhe çështje të tjera me interes të përbashkët. "Reforma zgjedhore është prioritet i të gjitha forcave politike. Për këtë, Shqipëria do të vazhdojë bashkëpunimin e ngushtë dhe të suksesshëm me OSBE/ ODIHR, duke syn- uar zhvillimin e zgjedhjeve të lira dhe të ndershme, sipas standardeve më të mira ndërkombëtare. Komisioni i reformës pritet të përfundojë punën e tij deri në fund të këtij viti", - u shpreh Ruçi. Duke folur për reformën në drejtësi, Ruçi theksoi se ajo është shtylla tjetër e rëndësishme. "Opozita nuk ka arsye të kërkojë kthimin prapa të kësaj reforme, duke sulmuar organet e vetingut, sepse reforma mbështetet mbi urinë dhe dëshirën e madhe të shqiptarëve për drejtësi. Reforma është krejtësisht jashtë ndikimit të qeverisë dhe të shumicës parlamentare dhe nën monitorimin e rreptë dhe të plotë të ONM. Kjo është theksuar edhe në Kushtetutë dhe është dispozita e vetme kush- tetuese në botë, që pranon një trupë të huaj mbikëqyrëse të sistemit", - tha ai. "Praktikisht për vetingun - nënvizoi Ruçi - unë nuk di asgjë, ndërsa ONM di gjithçka". "Ethet e pushtetit nuk duhet të na bëjnë të ' sabotojmë' ndërtimin e shtetit", - tha ai.