Bursa në Itali për studentët e Universitetit të Tiranës
Ja kush mund të aplikojë. Dokumentacioni që duhet të dorëzoni brenda 26 tetorit Njihuni me 20 degët ku mund të kandidoni
Studentët e Univer sitetit të Tiranës, tash më kanë mundësinë që të aplikojnë për bursa brenda datës 26 tetor të këtij viti në Bolonja të Italisë. Në faqen zyrtare të UT- së bëhet me dije se këto bursa studimi janë të vlefshme për semestrin e dytë të vitit akademik 2018- 2019 e do të zgjasin 6 muaj, si për nivelin Bachelor ashtu edhe për Masterin. Të gjithë studentët e interesuar mund të aplikojnë për degë studimi si: Histori dhe Arkeologji; Filozofi dhe Etikë; Gjuhë e Huaj; Ekonomiks; Shkenca Politike; Psikologji; Sociologji; Gazetari; Kontabilitet; Financë- Bankë; Marketing; Administrim Biznes; Punë Sociale; Drejtësi; Biologji; Biokimi; Kimi; Fizikë; Matematikë; si dhe Statistikë. Këto bursa studimi mbulojnë kompensimin prej 850 euro në muaj për studentët si dhe kostot e udhëtimit, kjo në varësi të distancës midis universitetit pritës dhe atij të origjinës. "Studentët që përfitojnë nga mobiliteti nuk do të paguajnë asnjë tarifë për shkollim në universitetin pritës. Studentët do të vazhdojnë të paguajnë shkollimin e tyre dhe/ ose tarifat e regjistrimit në universitetin e tyre të origjinës",- theksohet në njoftimin e Universitetit të Tiranës.
APLIKIMI NË BACHELOR
Studentët e nivelit Bachelor që janë të interesuar të fitojnë bursën 6 mujore në Universitetin e Bolonjës, duhet të paraqesin dokumentacionin përkatës gjatë aplikimit. Respektivisht, ata duhet të dorëzojnë një CV në gjuhën angleze apo italiane; një kopje e Pasaportës; vërtetim studenti si dhe një listë notash. Gjithashtu, kandidatët duhet të dorëzojnë edhe një letër motivimi në gjuhën angleze apo italiane në varësi të programit të studimit; certifikatën e gjuhës së huaj ( Anglisht B1/ Italisht B2 në varësi të programit të studimit); si dhe të ashtuquajturën "Learning Agreement". "Learning Agreement është një kontratë mi-