Vetingu në politikë, Basha- Ramës: Nuk ka rinegociata, voto ligjin
Zbardhet amendamenti i PD, kush përjashtohet nga e drejta për t'u zgjedhur "Për pastrimin e politikës, aksion popullor"
Demokratët depozitu an dje në Kuvend nismën për ndryshime kushtetuese, që i hap rrugë vetingut në radhët e politikës. Propozimi parashikon ndërprerje të mandatit të politikanëve dhe ndalimit për t'u zgjedhur apo emëruar në funksionin publik, për të gjithë ata individë që rezultojnë me të shkuar problematike. Projektligji i PD- së përfshin edhe presidentin dhe kryeministrin. Në projektligjin e publikuar nga PD, shkruhet se: "Deputeti i Kuvendit të Shqipërisë, kryetari i bashkisë dhe çdo drejtues ose anëtar i institucioneve kushtetuese dhe ligjore që emërohen në detyrë me votim nga Kuvendi, përfshirë funksionin e kryeministrit apo anëtarit të Këshillit të Ministrave, i nënshtrohen procesit të kontrollit të pastërtisë së figurës. Mandati i funksionarëve të zgjedhur apo emëruar në organet kushtetuese dhe ato të krijuara me ligj përfundon nëse konstatohet që janë të përfshirë në rrethin e subjekteve që kanë kontakte me persona në krimin e organizuar." Lulzim Basha, si propozues i këtij amendimi foli për domosdoshmërinë e shkëputjeve të lidhjeve që ai thotë se qeveria ka me krimin, por nuk pranoi të negociojë me kundërshtarin e tij politik për ndryshimet kushtetuese, duke i kërkuar
Ramës të ngrejë vetëm kartonët në parlament. "Ligji është negociuar njëherë, i njëjtë me statusin e gjyqtarëve dhe prokurorëve. S'ka mbetur asgjë për t'u negociuar. Kjo ose votohet, ose rrëzohet. Këtë duhet të bëjë Rama të votojë, të mos bëjë propagandë", theksoi z. Basha. Që situata në vend të ndryshojë, Basha nuk mjaftohet vetëm me vetingun. "Një aksion i fuqishëm popullor, i domosdoshëm për shkëputjet e lidhjeve të policisë me krimin. Atentat ndaj demokracisë që sot në Kuvend kemi Xhafajn, Çyrbën, Ballën, Dakon etj. Në instan-
cat qendrore e vendore, policia e lidhur me krimin bëjnë ligje dhe janë të paprekshëm", u shpreh kreu i PDsë. Demokratët nuk kanë një vendim për bojkotin e Kuvendit, pavarësisht se në dy seancat e para për këtë sesion refuzuan të merrnin pjesë në parlament duke e quajtur strofull të krimit. "Ne po bëjmë ligje. Opozita në pesë ditë nga nisja e sesionit ka çuar ligje në Parlament. Kemi propozuar vetingun e politikës të lidhur me krimin, nuk duam të bojkotojmë Kuvendin. Duam ta pastrojmë menjëherë", thek- "Të gjitha institucionet kushtetuese janë të përfshira në këtë propozim që bëjmë ne. Shkëputja e krimit nga politika, pra të heqim krimin nga politika dhe institucionet është objektivi primar. PD dhe opozita kanë shprehur haptas një objektiv dhe vullnet, të shkëpusë lidhjet e politikës dhe institucioneve me krimin” - tha ai.
soi z. Basha. Kreu i PD- së nënvizoi faktin se vetingu për politikanët do të jetë i njëjtë me atë të gjyqtarëve dhe prokurorëve, ku do të verifikohet pasuria për të gjitha figurat zyrtare. Ligji në fjalë përveç disa ndryshimeve, është thuajse i njëjtë me atë ekzistuesin për ' Për rivlerësimin kalimtar të gjyqtarëve dhe prokurorëve në Republikën e Shqipërisë'. Kështu, ndryshimet që reflektohen janë fakti që listës i shtohen zyrtarë që nga deputetë, kryetarë bashkish, kryeministri, apo dhe anëtarë institucionesh.