Protestat, Haradinaj i anulon lejen Vuçiçit

"O sot o kurrë", presidentit serb i zënë "pritë" në veri të Kosovës Thaçi kundër protestuesve: S'na ndihmon për paqen

Presidenti i Serbisë, Ale ksandër Vuçiç zhvilloi vizitën zyrtare në veri të Kosovës. Mëngjesin e djeshëm qytetarë të shumtë në Skënderaj kanë bllokuar aksin rrugor SkënderajMitrovicë, në kundërshtim të vizitës së presidentit serb, Aleksandar Vuçiç në fshatin Banjë. Protestuesit kanë vendosur kamionë, dru dhe objekte të tjera duke bllokuar rrugën që çon për në fshatin Banjë të kësaj komune. Në protestë është parë edhe zyrtari i PDK- së, Gani Koci. Shoqatat e dala nga lufta kanë njoftuar që më parë për protestën.

NJOFTIMI I PLOTË:

"Nga shoqatat e dala nga lufta e UÇK- së dega Skënderaj. Të nderuar qytetarë të Skënderajt, veçanërisht luftëtarë, invalidë dhe familjarë të dëshmoreve. Fillimisht ju kërkojmë falje që po iu shqetësojmë në këto orë të vona, por sa po morëm lajmin se Aleksander Vuçiç do të shkelë tokën e Drenicës. Andaj duke ju kërkuar secilit mirëkuptim në një ditë vikendi për shqetësimin tuaj, na falni por duhet t'ju ftojmë në protestë, sepse po vjen pa kërkuar falje një president i një shteti që ka vrarë, masakruar dhunuar popullatën e pa fajshme nga foshnja e posalindur deri tek mosha ma e thyer, zgjohuni në këmbë të gjithë ta ndalojmë Vuçiçin që të mos shkelë në tokën e Drenicës. Asnjë zyrtar i shtetit serb që ka shkaktuar dhunë dhe vuajtje në Kosovë nuk do të duhej të lejohej të hynte në Kosovë pa kërkuar falje. Takohemi të gjithë në sheshin ' Adem Jashari' në orën 06: 00 në mëngjes për t'i bllokuar të gjitha rrugët që qojnë në Banjë, fshat ky në tokën arbërore ' o sot o kurrë'", thuhet në njoftimin e veteranëve të UÇK- së, dega në Skënderaj.

Agjenda e Vuçiçit në ditën e dytë të vizitës në veri të Kosovës:

Në orën 08: 00 viziton Qendrën Shëndetësore në Mitrovicë.

Në orën 08: 30 do të qëndrojë sërish në Zveçan.

Në orën 09: 15 do ta vizitojë fshatin Banjë.

Në orën 11: 15 do të qëndrojë sërish në Mitrovicë.

Në orën 13: 00 do të largohet nga Kosova përmes pikës kufitare në Jarinje.

Të premten Vuçiç ka qëndruar në Zubin Potok, Gazivodë, Leshak, Leposaviç e Zveçan. Ndërkaq, pas pro- testës dhe bllokimit të rrugës në aksin rrugor SkënderajMitrovicë, në kundërshtim të vizitës së presidentit serb, Aleksandar Vuçiç në fshatin Banjë, nuk ka ndenjur pa reaguar dhe presidenti i Kosovës, Hashim Thaçi. Përmes një statusi në "Facebook", Thaçi thotë se e mirëkupton plotësisht reagimin e qytetarëve të Drenicës, por se në kohën kur është duke bërë përpjekje për paqe dhe pajtim, protestat dhe bllokimi i rrugëve nuk ndihmojnë.

Statusi i plotë: "Qeveria e Republikës së Kosovës, ditë më parë kishte miratuar kërkesën për vizitën e Presidentit të Serbisë në Kosovë, duke përfshirë itinerarin e saktë. Por, për shkak të rrethanave të reja të krijuara dhe ruajtjes së sigurisë së qytetarëve dhe të vetë delegacionit të presidentit serb, sot qeveria e Kosovës ka marrë vendim për anulimin e viz- "Siguria e qytetarëve është mbi të gjitha. Kam kërkuar tërheqjen për lejen e dhënë nga Ministria e Punëve të Jashtme për vizitë të presidentit serb në zonën e Drenicës. Ky vendim hyn në fuqi menjëherë", - ka shkruar Haradinaj.

itës së tij në fshatin Banjë. Si President i Kosovës, e mirëkuptoj plotësisht reagimin e qytetarëve të Drenicës, të cilët kanë shprehur revoltën e tyre të arsyeshme kundër një vizite të tillë. Kjo tregon se plagët e dhimbjes dhe luftës, janë ende shumë të freskëta. Megjithatë, në kohën kur jemi duke bërë përpjekje për paqe dhe pajtim, protestat dhe bllokimi i rrugëve, aspak nuk na ndihmojnë. Prandaj, unë e kuptoj edhe zhgënjimin e banorëve të komunitetit serb në fshatin Banje, për pamundësinë e realizimit të kësaj vizite. Të gjithë duhet të përmbahemi dhe të tregojmë kulturë minimale njerëzore të mirëkuptimit dhe komunikimit njerëzor. Ne duhet të dimë të ngrihemi mbi vetveten, mbi plagët dhe dhimbjet e shumta. Duhet ta bëjmë këtë për hir të paqes dhe pajtimit". Nga ana tjetër, kryeministri i Kosovës, Ramush Haradinaj ka kërkuar nga Ministria e Jashtme e Kosovës që të tërheqë lejen e dhënë për vizitë të presidentit serb, Aleksander Vuçiç në zonën e Drenicës. Përmes një postimi në "Facebook", Ramush Haradinaj thotë se siguria e qytetarëve është mbi të gjitha. "Siguria e qytetarëve është mbi të gjitha. Kam kërkuar tërheqjen për lejen e dhënë nga Ministria e Punëve të Jashtme për vizitë të presidentit serb në zonën e Drenicës. Ky vendim hyn në fuqi menjëherë", - ka shkruar Haradinaj. Vendimi i kryeministrit Ramush Haradinaj vjen pas protestës së qytetarëve në zonën e Drenicës. Ata bllokuan aksin rrugor SkënderajMitrovicë, në kundërshtim të vizitës së presidentit serb Aleksandar Vuçiç në fshatin Banjë. Protestuesit vendosën kamionë, dru dhe objekte të tjera duke bllokuar rrugën që çon për në fshatin Banjë të kësaj komune, të cilin Vuçiç kishte planifikuar ta vizitonte në orën 09: 15.