Mënyrat efektive për trajtimin dhe parandalimin e hematurisë
meve ose medikamenteve si panxhari, manaferra ose laksativi Exlax. Në këto raste, ngjyra normalizohet mbas disa ditësh, megjithatë për të qenë i sigurt nëse me të vërtetë në urinë nuk ka gjak, duhet kryer një vizitë te mjeku.
Mund të na përmendni disa prej shkaqeve kryesore të hematurisë?
Hematuria është pasojë e rrjedhjes së gjakut në urinë nga roskopike, por kjo sëmundje mund të shkaktohet edhe nga prostata e zmadhuar apo sëmundjet e veshkave. Hematuria e dukshme mund të jetë shenjë e një kanceri të avancuar të veshkës, vezikës ose prostatës. Fatkeqësisht, këto sëmundje mund të mos shfaqin shenja dhe simptoma në fazën e hershme, fazë kur ato janë më të trajtueshme. Edhe anemia falciforme ( një lloj anemie), e cila është një defekt i trashëguar i hemoglobinës në rruazat e kuqe të gjakut, mund të shkaktojë hematuri makroskopike ose mikroskopike. Ndërkohë dëmtimet e veshkës nga aksidentet ose përplasjet sportive mund të shkaktojnë daljen e gjakut në urinë, por edhe medikamenti kundër kancerit, cyclophosphamide dhe penicilina mund të japin hematuri.
Cilët janë disa prej faktorëve influencues në zhvillimin e sëmundjes?
Pothuajse çdo njeri mund të konstatojë gjak në urinë duke përfshirë edhe fëmijët. Faktorët që mund të influencojnë në këtë janë mosha, një infeksion i ri, historia familjare, medikamentet, ushtrimet fizike të mundimshme. Gjatë jetës së tyre, më shumë se gjysma e grave do të kenë të paktën një herë infeksion të traktit urinar e shoqëruar me hematuri. Meshkujt e rinj janë më të predispozuar për të pasur gurë në veshka ose sindromin Alport, një nefrit i trashëguar, të cilat mund të shoqërohen me hematuri.
Si bëhet diagnostikimi i hematurisë?
Ekzaminimi fizik përfshin dhe diskutimin e historisë familjare. Përveç rruazave të kuqe, analiza e urinës mund të vërë në dukje një infeksion të traktit urinar ose prezencën e mineraleve që shkaktojnë gurë të veshkave. Në ekzaminimet imazherike përfshihet CT skaneri, rezonanca magnetike ose eko e aparatit urinar. Ndërsa cistoskopia konsiston në futjen e një tubi të hollë, i pajisur me një kamera në vezikë, për të parë nga afër vezikën dhe uretrën me qëllim gjetjen e shkakut. Ndonjëherë shkaku i hematurisë nuk mund të zbulohet. Në këto raste rekomandohet një ndjekje e vazhdueshme sidomos kur ekzistojnë faktorë predispozues për kancerin e vezikës si duhani, ekspozimi ndaj toksinave të mjedisit ose mjekimi me rreze.
Si realizohet sëmundjes?
Vetë hematuria nuk ka një trajtim të veçantë. Mjeku përqendrohet në trajtimin e shkaktarëve. Këtu mund të përfshihet: përdorimi i antibiotikëve për çrrënjosjen e infeksionit të traktit urinar, përdorimi i medikamenteve për zvogëlimin e një prostate të zmadhuar, mënyra të ndryshme për heqjen e gurëve nga vezika urinare ose veshkat. Nëse shkaktarët e hematurisë nuk janë serioze, trajtimi s'është i domosdoshëm.
Si mund të parandalohet sëmundja?
Në përgjithësi nuk është e mundur të parandalosh hematurinë, megjithatë ka disa veprime që pakësojnë rrezikun e disa sëmundjeve që e shkaktojnë atë. Për të pakësuar rreziqet e infeksioneve të traktit urinar, rekomandohet pirja e sasive të mëdha të lëngjeve, të zbrazet urina kur ke ndjenje urgjente për të urinuar si dhe të urinohet mbas kontaktit seksual. Femrat duhet të fshihen mbas urinimit në drejtim nga mbrapa përpara. Të evitohet përdorimi i prodhimeve higjienike femërore, që mund të irritojnë organet gjenitale. Për të pakësuar mundësinë e krijimit të gurëve duhen pirë sasi të mëdha lëngjesh, të kufizohet përdorimi i kripës, proteinave dhe ushqimeve që përmbajnë oksalate si spinaqi dhe panxhari. Rreziku i kancerit të vezikës mund të pakësohet duke ndërprerë pirjen e duhanit, duke evituar ekspozimin në mjedise me kimikate dhe duke pire sasi të mëdha lëngjesh. Për të parandaluar formimin e kancerit të veshkës duhet te ndërpritet duhani, të mbahet një peshë trupore normale, të përdoret dietë e shëndetshme, të bëhet jetë aktive dhe të shmanget ekspozimi në mjedise me substanca toksike.