Berisha: Partitë kosovare të ulen bashkë të votojnë dokumentin e dialogut
Ish-
kryeministri Sali Berisha priti dje, zëvendëskryem inistrin e Kosovës, Fatmir Limajn dhe kreun e Kuvendit, Kadri Veseli, me të cilët ka diskutuar për çështjen e kufijve me Serbinë. Berisha është shprehur se dënon me forcë çdo përpjekje të Beogradit për destabilizim dhe i kërkon ndërkombëtarëve që të kuptojë se Vuçiç është një Milosheviç i vërtetë. "Marrëveshja Kosovë- Serbi është e një rëndësie të madhe. Ndaj mendimin se integriteti territorial i Kosovës nuk mund të jetë çështje diskutimi. Denoncoj me forcë përpjekjet e Beogradit për një Republika Serpska, është një përpjekje për destabilizimin. Thirrja ime për të gjithë partitë në Kosovë, të ulen së bashku të votojnë në parlament dokumentin, kornizën e këtij diskutimi dhe delegacionin e përbashkët. Nevojitet një kuadër ligjor që mos ketë debate. Vuçiç erdhi me dy flamuj, me flamurin e Serbisë së Millosheviçit dhe flamurin e Vaso ? ubrilovi?. I bëj thirrje komunitetit ndërkombëtar të kuptojë vizitën e tij, të këtij qaramani që bën viktimën po ai është një Milosheviç i vërtetë",tha Berisha. Nga ana e tij, kreu i Kuvendit të Kosovës, Kadri Veseli tha se Kosova është shtet i pavarur sovran dhe se të bashkuar pozitë- opozitë nuk i sfidon askush. "Kosova është një dhe askush nuk mund ta ndajë Kosovën, nëse ne jemi bashkë pozitë e opozitë. Nëse jemi bashkë nuk na sfidon askush. Në dialog shkojmë jo nga dashuria për Serbinë, po duhet një liri e qëndrueshme një paqe e qëndrueshme. Kosova ka nevojë të jetë bashkë",- tha Veseli.
TAKIMI ME LU
Ish- kryeministri Sali Berisha e ka akuzuar vazhdimisht ishambasadorin amerikan në Tiranë, Donald Lu si të korruptuar, në konflikt interesi dhe me një sjellje tipike prej "guvernatori". Por duket se mëritë mes tyre janë shuar. Berisha ka pritur dje, në një takim para largimit nga Shqipëria ambasadorin Donald Lu.