Vetingu i politikës, Basha: Ta bëjnë të pavarur, monitorim i huaj
Kreu i PD zbulon 5 rregullat kryesore si duhet dhe kush do ta bëjë kontrollin "Do të jetë transparent si dekriminalizimi"
Kreu i PD- së, Lulzim Basha ka zbuluar 5 rregullat kryesore se si dhe kush do ta bëjë vetingun në politikë. Sipas Bashës, vetingu duhet të bëhet me mbikëqyrje nga ndërkombëtarët dhe të jetë krejtësisht i pavarur nga ai i drejtësisë duke mos përmendur sërish hetimin e familjarëve të politikanëve. Nëpërmjet një videoje ilustruese, kreu i PD- së ka publikuar në rrjetin social "Facebook" 5 rregullat kryesore të vetingut të politikanëve: "1. Vetingun e politikanëve nuk do ta bëjë politika, nuk do ta bëjë Kuvendi. 2. Struktura e vetingut do të përbëhet nga profesionistë të pavarur nga politika. 3. Vetingu i politikanëve do të ketë mbikëqyrje ndërkombëtare",- thuhet në videon e shpërndarë nga kreu i opozitës. Sipas tij, së katërti "vetingu i politikanëve do të jetë krejtësisht i pavarur nga ai i drejtësisë".
Dhe si pikë e fundit, Basha shprehet se "vetingu i politikanëve do të jetë i thjeshtë dhe transparent si dekriminalizimi, që nxori nga Kuvendi dhe zyrat e shtetit 333 persona me të kaluar kriminale".
Socialistët e kanë cilësuar "të dështuar" propozimin e bërë nga kryetari i PD- së, Lulzim Basha për veting të politikanëve. Në mbledhjen e Grupit Parlamentar të PS- së, javën e shkuar u qartësua qëndrimi i maxhorancës ndaj propozimeve të Bashës. Sipas PS- së "kjo nismë është një perçe mbi reformën në drejtësi, ndërkohë që SPAK dhe BKH sigurojnë vetingun e politikës në shkallë shumë të gjerë". Edhe sipas një sqarimi që u është dhënë de- putetëve socialistë, PS do të qëndrojë në këto pika kundërshtimi për propozimin e Bashës: "SPAK dhe BKH nuk kalojnë në sitë thjeshtë lidhjet e politikanëve me krimin ( ndërkohë që pro- pozimi i Bashës është një sitë për thashethemet mbi krimin), por mbi të gjitha pasuritë dhe të ardhurat e tyre; SPAK dhe BKH nuk ndalojnë vetëm te politikanët ( ndërkohë që propozimi i Bashës ndalon vetëm te thashethemet mbi politikanët), por edhe te pasuria e të ardhurat e familjarëve të tyre". Sipas dokumentit sqaruar shpërndarë për deputetët, "SPAK dhe BKH nuk mjaftohen vetëm me largimin e politikanëve të lidhur me krimin nga politika( siç parashikon propozimi i Bashës për lidhjen e thashethemeve me politikanët), por garantojnë që ndaj politikanëve të korruptuar dhe të lidhur me krimin, merren masa ndëshkuese deri edhe me burgim".