Tragjedia e 97- ës, gjenden eshtra në tunelin e ushtrisë në Qafë- Shtamë
Banorët e fshatit Selixë apel shtetit: Gjeni të afërmit tanë, kanë mbetur pa varre Shpërthimi i municioneve u mori jetën 23 personave
Në tunelin e Qafë- Sh tamës në Selixë të Matit, janë gjetur dje eshtrat e një personi. Ato u zbuluan nga Forcat e Armatosura, të cilat që prej disa ditësh po pastrojnë tunelet nga armatimet e mbetura. Ndërkohë, dyshohet se eshtrat i përkasin njërit prej 23 personave që humbën jetën më 29 prill të vitit 1997, duke marrë armë, ndërsa tuneli shpërtheu nga municionet dhe shkaktoi tragjedi. Menjëherë në vendngjarje kanë shkuar një grup ekspertësh nga prokuroria e Dibrës për këqyrjen e vendit të ngjarjes. Pritet ekspertiza mjeko- ligjore për përcaktimin e mëtejshëm, ndërsa forcat e Xhenios kanë ndërprerë punimet për pastrimin e tunelit. Ndërkohë që për identifikimin e eshtrave do duhen analizat e ADN- së. Pas gjetjes së eshtrave në tunelin në fjalë, banorët e fshatit Selixë i bëjnë apel shtetit që të bëhen kërkime për gjetjen e eshtrave të të afërmve të tyre që humbën jetën tragjikisht në vitin e mbrapshtë të 97- ës.
TRAGJEDIA E 97- ËS
Njëzet e një vjet më parë dhe konkretisht me 29 prill të atij viti, dhjetëra banorë të fshatit Selixë në rrethin e Matit iu drejtuan tuneleve të ushtrisë në Qafë Shtamë për të marrë armë dhe municione. Rënia e shtetit dhe çelja e depove ushtarake çoi në armatosjen e civilëve, duke prodhuar një situatë anarkie në të gjithë vendin. Ekipet e emergjencës në atë kohë bënë të mundur nxjerrjen e disa trupave të viktimave, ndërsa të tjerët nuk u gjetën kurrë. Kjo për shkak se një pjesë e tunelit pësoi shembje. Pas 21 vitesh, Ministria e Mbrojtjes ka ndërmarrë një aksion me Forcat Xhenio për pastrimin e tuneleve të ushtrisë nga municionet luftarake të mbetura aty që nga bastisja e 97- ës. Nga ana tjetër, banorët e fshatit Selitë përgjatë gjithë këtyre viteve i kanë bërë apel shtetit që të bëhen kërkime për gjetjen e esh- trave të familjarëve të tyre që kanë mbetur pa varre. "Shpërthimi i tmerrshëm ndodhi në orën 21: 30 të 29 prillit. Nga ai shpërthim humbën jetën 23 banorë të fshatit, mes të cilëve nga e njëjta familje. Vetëm dy javë pas shpërthimit, rreth 500 metra larg tunelit u gjetën disa gjymtyrë, të cilët kishin dalë jashtë tij si pasojë e forcës së shpërthimit të municioneve. Ne i bëjmë apel shtetit që të bëj kërkime, pasi të afërmit tanë kanë ngelur pa varre", thanë për "Gazeta Shqiptare", disa banorë të fshatit Selixë. "Shpërthimi i tmerrshëm ndodhi në orën 21: 30 të 29 prillit. Nga ai shpërthim humbën jetën 23 banorë të fshatit, mes të cilëve nga e njëjta familje. Vetëm dy javë pas shpërthimit, rreth 500 metra larg tunelit u gjetën disa gjymtyrë, të cilët kishin dalë jashtë tij si pasojë e forcës së shpërthimit të municioneve. Ne i bëjmë apel shtetit që të bëj kërkime, pasi të afërmit tanë kanë ngelur pa varre",- thanë për "Gazeta Shqiptare", disa banorë të fshatit Selixë.