ATP publikon listën me 8000 dosjet dhe vendimet gjyqësore
Përditësohet regjistri i pronarëve që presin kompensim nga viti 1993 deri në vitin 2014 Vendimet e formës së prerë dhe problematika për çdo rast
Agjencia e Trajtimit të Pronave publikon listën me 8 mijë vendime, të cilat ose kanë marrë një vendim të formës së prerë nga gjykata, ose kanë problematika me dosjen. Regjistri i përditësuar për herë të fundit në 10 shtator të këtij viti pasqyron vendimet për çdo dosje. "Në zbatim të pikës 4, nenit 30 të ligjit 133/ 2015, përditësojmë vendimet gjyqësore në regjistrin përkatës të vendimmarrjes për kthimin/ kompensimin e pronave", - thuhet në njoftimin e Agjencisë së Trajtimit të Pronave. Në pikën 4 të nenit 30 të ligjit të pronave thuhet: "Çdo vendim gjykate, që ka ndryshuar vendimin e ATP- së për kthimin/ kompensimin apo për vlerën e kompen- simit do t'i njoftohet ATP- së dhe do të regjistrohet në regjistrin përkatës të vendimmarrjes, i cili mbahet nga ATP- ja. Ky regjistër bashkërendohet me regjistrin aktual të vendimmarrjes së ATP- së dhe të agjencive të tjera të mëparshme kompetente për kthimin dhe kompensimin e pronës". "Gazeta Shqiptare" pub- likon listën e 8 mijë pronarëve, ku përveç gjeneraliteve është edhe sipërfaqja për çdo pronë, vendimi i gjykatës për rastet kur është marrë vendimi dhe problematika për rastet që kanë mangësi apo pasaktësi në dosje.
REGJISTRIMI I VENDIMIT
Sipas ligjit në fuqi, kur vendimi i marrë bëhet për- fundimtar, Agjencia ose çdo palë e interesuar, e dërgon atë në Zyrën e Regjistrimit të Pasurive të Paluajtshme për regjistrim. "Për vendimet që nuk u është dhënë formë e prerë, për shkak të ndryshimeve të ligjit, Agjencia verifikon nëse është bërë ankim brenda afatit ligjor dhe në rast të kundërt, këto vendime konsiderohen të formës e prerë. Vendimet mbi të drejtën e parablerjes, që janë verifikuar nga Agjencia pas përfundimit të regjistrit, do t'i dërgohen Zyrës së Regjistrimit të Pasurive të Paluajtshme brenda një muaji nga data e verifikimit dhe në çdo rast, brenda 18 muajve nga hyrja në fuqi e këtij ligji. Zyra do t'i regjistrojë ato pa aplikuar gjoba, kamata apo tarifa. Subjektet e interesuara janë përgjegjëse për dorëzimin e dokumentacionit të nevojshëm që kërkohet nga Zyra e Regjistrimit të Pasurive të Paluajtshme për të mbështetur regjistrimin e vendimit. E njëjta gjë do të bëhet edhe për vendimet e kompensimit", - thuhet në ligj.