Dyshohen si të përfshirë në aferë korruptive, arrestohet avokatja, pezullohet prokurori

U paguan 2 mijë € për ndryshimin e akuzës ndaj të pandehurit

hur. Prokurori i Tiranës është pezulluar nga detyra me vendim të Gjykatës së Krimeve të Rënda, ndërsa është arrestuar avokatja. Paratë janë paguar nga një i pandehur, i cili ka kërkuar ndryshimin e akuzës nga prokurori i çështjes. Prej 4 ditësh, Krimet e Rënda kanë bllokuar serverin e kamerave të sigurisë së Prokurorisë së Tiranës. Pamjet filmike kanë fiksuar momentin kur avokatja futet në zyrën e prokurorit. Ndërsa nga përgjimet telefonike zbulohet se avokatja i drejtohet të pandehurit që ajo mbron se, "gjithçka e kam zgjidhur me prokurorin". Biseda me të akuzuarin është bërë pak çaste pas takimit të saj me prokurorin e Tiranës, Përparim Hasa, në zyrën e këtij të fundit. "Finalizohet operacioni policor i koduar "Ndërmjetësi". Ekzekutohen masat e sigurisë "Arrest me burg" për 3 shtetas. Specialistët për Hetimin e Korrupsionit në bashkëpunim me Prokuror- inë e Krimeve të Rënda Tiranë në kuadër të operacionit policor të koduar "Ndërmjetësi", bënë ekzekutimin e Vendimit Penal të Gjykatës së Shkallës së Parë për Krimet e Rënda, e cila ka caktuar masën e sigurimit "Arrest me burg", për shtetasit: Donata Lepenica, 57 vjeçe banuese në Tiranë ( avokate private në qytetin e Tiranës ); Yzeir Bala, 32 vjeç, banues në Tiranë; Megi Naksi, 31 vjeçe, banuese në Tiranë. Për shkak të hetimit nuk bëjmë me dije të dhëna të tjera. Të arrestuarit akuzohen për veprën penale "Korrupsioni aktiv i gjyqtarit, prokurorit dhe funksionarëve të tjerë të drejtësisë e kryer në bashkëpunim", parashikuar nga neni 319/ 25 i Kodit Penal", thuhet në njoftimin e policisë. Ndërkohë policia e Tiranës nën drejtimin e Prokurorisë për Krimet e Rënda Tiranë po vijon hetimet për identifikimin e personave të tjerë të përfshirë në këtë veprimtari kriminale.