Korrupsioni, prangosen gjashtë policë në Kakavijë
Hetimet dhe përgjimet, SHÇBA arreston edhe dy persona nga Fieri Lejonin kalimin e refugjatëve dhe të personave "non grata" në Shengen
Gjashtë efektivë të Pol icisë Kufitare në Gjirokastër janë arrestuar nga Shërbimi për Çështjet e Brendshme dhe Ankesat ( SHÇBA), pasi akuzohen për korrupsion pasiv, shpërdorim detyre dhe dhënie ndihme për kalim të paligjshëm të kufirit. Gjithashtu, kanë përfunduar në pranga edhe dy shtetas nga Fieri. SHÇBA bën me dije se pas një hetimi disamujor proaktiv me metoda speciale të hetimit, ka goditur veprimtarinë e paligjshme të ushtruar nga 6 punonjës policie dhe disa shtetas, në vijën e kalimit kufitar mes Shqipërisë dhe Greqisë, në zonën e Kakavijës. Mësohet se duke shpërdoruar detyrën, këta punonjës policie në kohë të ndryshme kanë lehtësuar kalimin e paligjshëm nëpërmjet vijës së gjelbër kundrejt shpërblimit, për shtetas të ndryshëm që kanë pasur probleme me lëvizjen në zonën Shengen. Për disa muaj me radhë, efektivë të SHÇBA kanë mbajtur nën vëzhgim, përgjuar dhe kryer veprime simuluese për të dokumentuar veprimtarinë e paligjshme të këtyre shtetasve. Gjykata e rrethit gjyqësor Gjirokastër ka vendosur për këta punonjës pol- icie masën e sigurisë "Arrest me burg". Bëhet fjalë për shtetasit Gentian Gjolleshi, Luan Shosha, Roland Gega punonjës i Policisë Kufitare Gjirokastër, Afrim Çomo, Ed- mond Nikolla dhe Fatmir Beqo, të gjithë punonjës të Policisë Kufitare Gjirokastër. Ndërkaq, SHÇBA ka vënë në pranga dhe shtetasit Besnik Sinani dhe Kastriot Senka nga Fieri. Ky i fundit ishte shpallur në kërkim si pjesë e kësaj veprimtarie të paligjshme, por u kap mbrëmë. Ata akuzohen se kanë lejuar edhe kalimin e refugjatëve sirianë nga Greqia në drejtim të Shqipërisë për të kaluar më pas në vendet e BE- së. Ndërkohë pritet që të arrestohen edhe 4 policë të tjerë, pasi dyshohet se janë përfshirë në këtë skemë.