Gjermania hap dyert për shqiptarët, një milion vende pune vakante
Kancelarja: Ligji i ri do të shoqërohet me një paketë prej 4 miliardë eurosh Angela Merkel: Do të lehtësohen procedurat e emigracionit
Gjermania do të vijojë me lehtësimin e pro cedurave për tërheqjen e forcës punëtore, nga e cila do të përfitojnë edhe shqiptarët e kosovarët. "Gjermania dhe Shqipëria kanë hedhur një hap të rëndësishëm drejt emigracionit legal, ku shumë të rinj dhe të reja, që kanë një arsimin profesional, tashmë mund ta gjejnë veten në tregun e ofertë- kërkesës në shtetin gjerman. Ky hap konsiderohet i rëndësishëm për vetë faktin se kjo strategji frenon punën në të zezë nga njëra anë, ndërsa në krahun tjetër ndihmon shumë shqiptarë, që zotërojnë një diplomë të arsimit profesional",- shkruan osservatorioitaliano. org. Projektligji për ratifikimin e marrëveshjes ndërmjet Shqipërisë dhe Agjencisë Gjermane për Bashkëpunim Ndërkombëtar ( GIZ), mbi projektin "Këshilla për Migracionin në Shqipëri", synon të forcojë kontributin e emigrantëve për vendin e origjinës, por dhe një metodë frenimi për emigrantët e paligjshëm. Kancelarja gjermane, Angela Merkel kërkon të ndryshojë fluksin migrator në vend nëpërmjet një ligji të ri për migracionin, me qëllimin e vetëm për ta bërë më të lehtë për të huajt që të gjejnë një punë në Gjermani. "Ligji i ri i emigracionit do të shoqërohet me një paketë 4 miliardë euro. Një ndër arsyet kryesore të kësaj politike duket se është nevoja e pashmangshme për të mbushur vendet vakante në sektorët kyç, si ai i kujdesit shëndetësor. Bëhet fjalë për më shumë se 1 milion vende pune vakante, shprehen përfaqësuesit e biznesit në vend. Ne do të vazhdojmë të mbështetemi te profesionistët e huaj"- deklaroi Angela Merkel në Bundestagun gjerman, duke mbrojtur kështu politikat e saj pro emigracionit. Sipas saj, kompanitë nuk duhet të ikin nga Gjermania vetëm se s` po gjejnë dot staf.
Shqiptarët ndërkohë duket se janë në fokus të ligjit të ri për shkak të potencialit që ofrojnë në sektorin e kujdesit shëndetësor. Sipas ministrit të Shëndetësisë, Jens Spahn, të rinjtë nga Shqipëria dhe Kosova mund të ndihmojnë vendin që të mbushë 50 mijë vendet vakante në shëndetësi. Ai ndër të tjera, vetëm pak kohë më parë bënte apel për përsh- pejtimin e procedurave për dhënien e vizave për të huajt që duan të punojnë në sektorin e kujdesit shëndetësor në Gjermani. Në 15 vitet e ardhshme projektohet që sektori të ketë 250 mijë staf mungesë.
Vetëm emigrantët mund ta mbulojnë këtë hendek. Tendenca e ikjes nga Shqipëria së punonjësve të shëndetësisë mund të rritet edhe më shumë me ligjin e ri gjerman dhe nevojën në rritje për pro- Sipas ministrit të Shëndetësisë, Jens Spahn, të rinjtë nga Shqipëria dhe Kosova mund të ndihmojnë vendin që të mbushë 50 mijë vendet vakante në shëndetësi. Ai ndër të tjera, vetëm pak kohë më parë bënte apel për përshpejtimin e procedurave për dhënien e vizave për të huajt që duan të punojnë në sektorin e kujdesit shëndetësor në Gjermani.
fesionistë, as politikat e reja të qeverisë për të stimuluar ekonomikisht mjekët që punojnë në rrethe, nuk kanë pasur efekt në zhbërjen e dëshirës për t` u larguar nga vendi.