Thaçi reagon ndaj Haradinajt: Nise luftën, por jo në televizion
Presidenti kosovar: Kufiri me Serbinë është 430 km, unë s'ju pengoj Ndryshimi i kufijve, Spanja kundër: Precedent për Katalonjën
Pas deklaratave të fun dit të bëra nga kryemi nistri i Kosovës, i cili theksoi dje në një emision se shkëmbimi ose ndarja e Kosovës çon në luftë, ka reaguar presidenti i Kosovës, Hashim Thaçi, i është përgjigjur kryeministrit Ramush Haradinaj. Presidenti i tha Haradinajt "nëse do luftë, nisja, por jo në studio televizive". Këto deklarata presidenti Thaçi i bëri gjatë takimit që e pati dje me kreun e PDSH- së së Maqedonisë Menduh Thaçi. Duke komentuar deklaratat e kryeministrit të Kosovës, Ramush Haradinaj, që ka thënë se kufijtë janë bërë me luftë, Thaçi tha se cilido mund t'ia nisë luftës dhe se nuk e ka ndërmend t'i pengojë. Por Thaçi i dërgoi një mesazh, duke i thënë se lufta bëhet në istikame, jo në studio televizive. "Ata që po flasin për luftëra, unë nuk jam duke i penguar, kush të ketë qejf le t'ia nisë kur të dojë. Janë 430 kilometra në kufirin me Serbinë. Udha e hajrit ju qoftë! Le të shkojnë! Lufta nuk zhvillohet në studio televizive, por në istikame",- tha presidenti Thaçi. Pas një takimi që kishte me kreun e PDSH- së, Menduh Thaçi, presidenti i Kosovës tha se e mbështesin Maqedoninë në referendum dhe se kjo nuk është ndërhyrje. Presidenti ka shpjeguar se është udhëheqës i delegacionit shtetëror të Republikës së Kosovës në
punimet e asamblesë së përgjithshme të OPKB- së dhe se do respektojnë gjithë axhendën dhe protokollin. Ai deklaroi se do takohet me presi-
dentin Trump dhe do të bisedojnë shkurt për çështjet aktuale në Kosovë dhe rajon. Thaçi u shpreh se Kuvendi po vonohet me nxjerrjen e një rezolute që do të jepte një mbështetje të plotë të iniciativës për bashkëngjitjen e Luginës. Sipas tij, nëse kjo ndodh do të sjellë edhe më shumë paqe. Ndërkaq për sa i përket njohjes së pavarësisë së Kosovës, një tjetër vend ka reaguar ditën e djeshme. Ka qenë pikërisht Spanja, e cila deklarohet pro njohjes së Kosovës, në rast të arritjes së një marrëveshjeje me Serbinë, por thotë se është kundër ndryshimit të kufijve. Mediat spanjolle shkruajnë se në Ministrinë e Punëve të Jashtme të Spanjës janë njoftuar në detaje lidhur me ecurinë e dialogut ndërmjet Republikës së Kosovës dhe Serbisë, dhe pritet që një marrëveshje historike ndërmjet dy vendeve të arrihet brenda katër apo gjashtë muajsh. Po sipas të njëjtave burime, Spanja është kundër idesë së propozuar për ndryshim të kufijve, pasi argumentojnë se një gjë e tillë mund të
përdoret si precedent nga nacionalistët në Katalonjë, të cilët mund të kërkojnë njohje ndërkombëtare më vonë. Mediat citojnë ministrin e Jashtëm, Borell të ketë thënë se në rast të arritjes së një marrëveshje-
je ndërmjet Kosovës dhe Serbisë, atëherë edhe vendet të cilat nuk e kanë njohur Republikën e Kosovës si shtet, do të lëviznin përpara për të marrë një vendim përfundimtar për njohje.