AKADEMIA E SHKENCAVE Plasari e Nadin marrin çmim për Skënderbeun, Rama: Të vijojë reforma
Studiuesja Nadin: Përpiqem të kthej kujtesën me punën time Vlerësohen “Skënderbeu politik” dhe “Shqipëria e rigjetur”
shtë mbajtur dje në Akademinë e Shken cave të Shqipërisë, ceremonia e dhënies së Çmimit Shkencor për Gjergj Kastriotin – Skënderbeun dhe epokën e tij, veprës më të mirë shkencore nga autorë shqiptarë dhe autorë të huaj, në kuadër të Vitit Mbarëkombëtar të Gjergj Kastriotit – Skënderbeut. Veç akademikëve e studiuesve, i pranishëm në ceremoni ishte edhe kryeministri Edi Rama dhe ministrja e Arsimit Lindita Nikolla. Duket se mes Akademisë dhe qeverisë debatet e nisura një vit më parë që desh çuan në shkrirjen e institucionit të lartë shkencor, pas ndërhyrjes së akademikut Artan Fuga dhe statuseve të rrepta të kryeministrit, janë shuar. Akademia e mbetur pa kryetar dhe në proces reformimi, ‘ ka gjetur paqe me qeverinë’ dhe tanimë, prania e kryeministrit në radhën e parë përshëndetet me përzemërsi disa herë, sikundër falënderohet për fondet e akorduara dhe vëmendjen në kohët e vështira. Duket, se Akademia është dorëzuar. Por kryeministri i pranishëm në ceremoni në fjalën e mbajtur, edhe pse shprehet se nuk është aty për të orientuar, nuk lë jashtë vëmendjen reformën. Ai theksoi rëndësinë që duhet të ketë Akademia e Shkencave për elitën dhe shoqërinë shqiptare dhe shtoi se Shqipëria është vendi i fundit në rajon për përfitimin e fondeve europiane për kërkime shkencore.
RAMA PËR REFORMËN
Në fjalën e mbajtur nga kryeministri u kujtua se veprimtaria e djeshme duhej të mbahej me shumë mirënjohje, për organizatorët dhe autorët. “Duhet të nxjerrim në pah veprat dhe autorët e tyre për të dhënë një shenjë kuptimplotë, pavarësisht varfërisë që ka pllakosur në të gjithë terrenin e veprimtarive publike, për veprat dhe cilësitë e tyre”, tha ai, pa harruar të përmendë reformën. “Për sa i përket reformimit të Akademisë së Shkencave, më në fund gjërat u vunë në një lëvizje të vonuar. Më vjen shumë mirë që sot që flasim jemi përballë një pune të kryer me zell dhe përgjegjësi nga grupi i ngritur për këtë reformë, nën drejtimin e profesor ( Skënder) Gjinushit. Por jemi strikt proceduralisht, po të ecnim para pa u ndalur asnjë sekondë me tekstin e sjellë nga grupi i punës. Të ndalem një sekondë dhe të nxisim një ballafaqim mes dy alternativave. Mbase në platformën e grupit të punës gjithçka është siç duhet, por mbase në platformën alternative, ka gjëra që duhen marrë në konsideratë. Ndaj unë mendoj se janë gjëra që s’duhet t’i them unë”,- u shpreh kryeministri. Ai kërkoi dhe madje e cilësoi të rëndësishme që “askush të mos paragjykojë rezultatin për shkak se njëra platformë kishte mbështetjen e qeverisë, ndërsa tjetra jo. Nga kjo, fiton procesi dhe akademia për nesër. Mendoj se disa gjëra kanë marrë udhë. Duhet t’i konsolidojmë që të kthehen në ligj nesër në Kuvend”. Kryeministri tha se drafti i reformës në rastin e Akademisë së Shkencave nuk mund të jetë i imponuar nga lart, pasi duhet të jetë si domosdoshmëri për akademinë së brendshmi. “Ama, është inkurajuese që në këtë platformë ka disa elementë të kërkuar nga koha prej shumë kohësh. Gjetja e dakordësisë është një gur themeli për të ardhmen. Dua të ngre shqetësimin shumë serioz që shpresoj të adresohet dhe të mos ngelet “klithma” në shkretëtirë. Shqipëria, është e fundit në rajon, për eksesin në fondet evropiane për kërkimin shkencor. Serbia ka fituar 90% të projekteve që ka çuar për aplikim, ndërsa Shqipëria 4.5%. Dakord, paraja është bazë, por, nga ana tjetër, ak- sesi për fondet që janë në dispozicion, nuk merret me para, por me dije”, tha shefi i qeverisë.
ÇMIMET E MOTIVACIONET
Më pas u mbajt ceremonia e ndarjes së çmimeve në Akademinë e Shkencave që vjen si rezultat i konkursit Shkencor Ndërkombëtar me rastin e vitit mbarëkombëtar të Gjergj Kastriot Skënderbeut. Për autorët shqiptarë fitues është shpallur studiuesi Aurel Plasari me veprën “Skënderbeu, një histori politike”, ndërsa për autorët e huaj fituese është Lucia Nadin me veprën “Shqipëria e rigjetur” . Këto janë përzgjedhur nga 30 vepra.
Për veprën më të suksesshme kushtuar Gjergj Kastriotit - Skënderbeut nga