"Shullazi", ambasada e SHBA: Prokurorët të qëndrojnë kundër kriminelëve
Avokatët, letër Arta Markut: Akuza të jetë e pandikuar në vendimmarrje "Populli shqiptar meriton drejtësi"
Në përgjigje të intere simit të ' Zërit të Amerikës' për situatën e krijuar në Prokurorinë e Krimeve të Rënda për çështjen Shullazi, reagoi ditën e djeshme ambasada amerikane në Shqipëri. Një ditë përpara seancës për dhënien e pretencës në procesin ndaj Emiljano Shullazit dhe bashkëpunëtorëve të tij, ambasada thekson se "populli shqiptar meriton një sistem drejtësie ku policia dhe prokurorët qëndrojnë së bashku kundër kriminelëve". Në reagimin e saj ambasada shtoi se "mbështesim prokurorët e guximshëm që kërkojnë drejtësi, edhe kur ka rreziqe". Nga ana tjetër ditën e djeshme mbrojtësit ligjor të Emiljano Shullazit, Gilmando Danit dhe Endri Qyqjas i janë drejtuar me një letër drejtueses së Prokurorisë për Krimet e Rënda, Donika Prela dhe Prokurores së Përgjithshme, Arta Marku në lidhje me ecurinë e procesit. Në Letrën e firmosur nga avokatët Ravik Gurra, Vladimir Meci dhe Denion Bogdani, e cilësojnë procesin si një ndër çështjet që ka tërhequr më shumë vëmendjen e opinionit publik. Në letër avokatët tërheqin vëmendjen e znj. Prela për të garantuar se prokurorët e çështjes do të jenë të pandikuar në vendimmarrje. "Jo gjithmonë e vërteta lidhur me këtë çështje është bërë e njohur dhe kjo ka krijuar në opinion idenë se po ndëshkohet një grup i rrezikshëm kriminal, ndërsa prokurorët e çështjes kanë marrë pamjen e kalorësve në këtë betejë kundër krimit. Kjo situatë ka dëmtuar shqyrtimin e "ftohtë" dhe "të paanshëm" të kësaj çështjeje, ka dhunuar parimin madhor të prezumimit të pafajësisë dhe tashmë që çështja ka mbërritur në finish, rrezikon që paragjykimi dhe zhurma e krijuar rreth saj, të mos lejojë si përfaqësuesit e akuzës, ashtu dhe vetë gjykatën që të vendosin sipas "liberum arbitrium", pra, sipas zgjedhjes së tyre të lirë, sipas bindjes së bazuar mbi prova dhe vetëm mbi to", thuhet në letrën e avokatëve. Emrat e katër prokurorëve që do të përfaqësojnë në gjykim çështjen në ngarkim të të pandehurve Emiljano Shullazi, Gilmando Dani, Endrit Qyqja, Endrit Zela dhe Blerim Shullazi do të bëhen publikë zyrtarisht në seancën gjyqësore të ditës së sotme. Mësohet se Donika Prela, e cila është Drejtuese e Prokurorisë së Krimeve të Rënda do të jetë drejtuese e grupit të prokurorëve në çështjen "Shullazi". Po kështu pjesë e grupit të prokurorëve do të jetë edhe Gentian Osmani.
DOSJA SHULLAZI
Pak ditë më parë prokurorët e Krimeve të Rënda kanë braktisur mbledhjen e thirrur nga drejtuesja e tyre, Donika Prela. Kjo pasi këta prokurorë refuzuan hedhjen e shortit në procedimin penal në gjykim në ngarkim të të pandehurve Emiljano Shullazi, Gilmando Dani, Endrit Qyqja, Endrit Zela dhe Blerim Shullazi, të cilët ndodhen pas hekurave për një sërë akuzash. Ky refuzim çoi në kërkesën për hetim disiplinor ndaj tyre nga ana e kryeprokurores Arta Marku. Konkretisht Prokurorja e Përgjithshme urdhëroi transferimin e përkohshëm në rrethe të tre nga dhjetë prokurorët që refuzuan hedhjen e shortit për dosjen Shullazi. Bëhet fjalë për prokurorët: Olsian Çela, i cili do të transferohet në Prokurorinë e Beratit, Sonila Muhametaj, e cila do të transferohet në Prokurorinë e Pukës dhe Besim Hajdarmatajn, i cili do të transferohet në Prokurorinë e Pogradecit. Gjithashtu, Arta Marku kërkoi që për këta Një ditë përpara seancës për dhënien e pretencës në procesin ndaj Emiljano Shullazit dhe bashkëpunëtorëve të tij, ambasada thekson se "populli shqiptar meriton një sistem drejtësie ku policia dhe prokurorët qëndrojnë së bashku kundër kriminelëve".
prokurorë, por edhe për shtatë të tjerë të nisë edhe hetimit disiplinor për thyerje të urdhrit të drejtueses së Krimeve të Rënda Donika Prela, e cila dështoi në hedhjen e shortit për dosjen Shullazi. Bëhet fjalë për prokurorët Përparim Kulluri, Behar Dibra, Arenc Çela, Edvin Kondili, Pranvera Pustina, Eugen Beçi dhe Blerim Tominaj. "Prokurori i Përgjiths-
hëm znj. Arta Marku duke marrë shkas nga ngjarja e fundit e datës 19 shtator 2018 në Prokurorinë pranë Gjykatës së Shkallës së Parë për Krime të Rënda, Tiranë, mbi refuzimin nga ana e prokurorëve për hedhjen e shortit në procedimin penal në gjykim në ngarkim të të pandehurve Emiljano Shullazi, Gilmando Dani, Endrit Qyqja, Endrit Zela dhe Bler-
im Shullazi, për kryerjen e veprave penale parashikuar nga nenet 109/ b; 333/ a; 334 etj. të Kodit Penal urdhëroi fillimin e hetimit disiplinor ndaj prokurorëve: Olsian Çela; Përparim Kulluri; Behar Dibra; Sonila Muhametaj; Arenc Çela; Edvin Kondili; Pranvera Pustina; Eugen Beçi; Blerim Tominaj dhe Besim Hajdarmataj", thuhej në njoftimin e prokurorisë.