“Antimafia”, nga verifikimi, sekuestrimi e deri te sanksionet
PD, Alibeaj: Kontroll kontratave dhe vendimeve të zyrtarëve, edhe kryeministrit Propozimi, strukturë e posaçme antikorrupsion
Opozita i ka bërë ndry shime rrënjësore Ligjit Antimafia si goditje e fortë ndaj oligarkëve. Partia Demokratike zbardhi dje mekanizmat e Ligjit Antimafia që nga verifikimi, sekuestrimi i pasurisë e deri tek sanksionet ndaj atyre që kanë përfituar në mënyrë abuzive. Opozitarët synojnë "çlirimin e ekonomisë nga monopolet", ndërkohë që deputeti Enkelejd Alibeaj theksoi se ky ligj nuk do të lejojë asnjë kontratë abuzive dhe se do të mbrojë pasurinë publike. Po kështu, ai paralajmëroi se në filtër do të kalojë çdo zyrtar publik që nga nëpunësi i thjeshtë deri tek kryeministri. Deputeti Enkelejd Alibeaj propozoi ndryshimet, të cilat sipas tij synojnë verifikimin, sekuestrimin e pasurive të personave dhe kompanive private dhe zyrtarëve publikë, të përfshirë në korrupsion, apo që kanë abuzuar me detyrën. Propozohet që subjektet që ligji i godet, të detyrohen të kthejnë pasurinë publike në gjendjen që ishte para firmosjes së kontratave, ndërsa përjashtohet nga çdo procedurë konkurruese për të paktën 20 vjet. Cilat janë mekanizmat ligjorë dhe institucionalë, që Partia Demokratike propozon për verifikimin dhe sekuestrimin e pasurive të personave privatë dhe zyrtarëve publikë, të përfshirë në korrupsion? Deputeti Enkelejd Alibeaj prezantoi ndryshime rrënjësore në Ligjin Antimafia, që synojnë konfiskimin e çdo pasurie të kompanive private të fituara me kontrata korrruptive apo zyrtarëve publikë që kanë abuzuar me detyrën. "Çdo gjë e zhvatur, çdo gjë e përfituar në mënyrë abuzive do të duhet t'i rikthehet publikut, buxhetit të shtetit. Pasuri apo para publike", u shpreh z. Alibeaj. Opozita propozoi që ndryshimet në "Antimafia", të kenë edhe fuqi prapavepruese. "E reja që kemi sjellë në këtë plat-
formë është që ky mekanizëm antimafia do të veprojë për të gjitha kontratat, licencat, PPP, shitjet e pasurive publike aktuale, ato që janë lidhur dhe janë në realizim dhe sipër, për të tashmen pra. Do të jetë një pengesë edhe për të ardhmen", theksoi deputeti i PDsë. Subjekt i ligjit do të jenë kontratat koncesionare dhe Partneritetet Publik- Privat. Në sitë do të kalojnë për ven- "Çfarë do të verifikohet? Çdo kontratë abuzive koncesioni, çdo kontratë abuzive e prokurimit publik, çdo kontratë abuzive PPP, çdo kontratë e tjetërsimit të pasurive publike si shitje, dhënie me qira, dhënie për shfrytëzim për ndërtim. Bashkë me to edhe çdo akt administrativ, publik abuziv si leje, licenca, autorizime", deklaroi z. Alibeaj.