Zbardhen emrat e fituesve të raundit të dytë në Universitetin e Tiranës
Kush do të vazhdojë studimet tek Ekonomiku, Drejtësia, Shkencat Sociale dhe ato të Natyrës Plotësohen vendet te Mjekësia, shans për maturantët në raundin e tretë
Universiteti i Tiranës dhe ai i Mjekësisë kanë shpallur emrat e fituesve që aplikuan në raundin e dytë në një nga programet e studimit në një prej Institucioneve të Arsimit të Lartë për vitin e ri akademik 2018- 2019. "Gazeta Shqiptare" zbardh sot emrat e 974 fituesve në dy universitetet e sipërpërmendura, ku secili mund të verifikojë nëpërmjet ID përkatëse, numrin e pikëve të grumbulluara që ndryshojnë nga njëra degë në tjetrën, në bazë të kritereve të përcaktuara. Përkatësisht në këtë raund të dytë, në 700 kuota të përcaktuara për Fakultetin e Drejtësisë, kanë ngelur vetëm 26 vende të lira pas regjistrimeve të raundit të parë. Ndërkohë në Fakultetin Ekonomik zbardhen emrat e 154 fituesve në 5 programet e studimit që ofron ky fakultet. Respektivisht, në degën Ekonomiks janë shpallur 49 fitues, në Administrim Biznes ka 37 fitues, në programin Informatikë Ekonomike rezultojnë 26 fitues, në Financë ka 18 fitues, ndërsa në degën Administrim Biznesi për filialin në Sarandë rezultojnë 24 fitues. Ndërkohë, në Fakultetin e Shkencave të Natyrës ka pasur plot 322 kuota boshe për raundin e dytë, të cilat janë plotësuar pas ap- likimeve në këtë raund. Sakaq, në Fakultetin e Shkencave Sociale në raundin e dytë të aplikimeve për vitin e ri akademik 2018- 2019 ka pasur 215 fitues në 6 programet e studimit që ofron ky institucion i arsimit të lartë. "Gazeta Shqiptare" zbardh gjithashtu emrat e 145 fituesve në Fakultetin e Histori- Filologjisë, respektivisht në degët Gazetari, GjuhëLetërsi, Histori, Arkeologji dhe Gjeografi. Regjistrimi i fituesve në raundin e dytë do të bëhet në datat 27 dhe 28 shtator dhe studentët duhet të paraqiten pranë sekretarive mësimore për të dorë- zuar dokumentacionin përkatës. Çdo raund do të përbëhet nga 7 faza 48- orëshe secila e gjatë kësaj kohe, maturantët jofitues duhet të ndjekin me kujdes lëvizjen e vijës së kuqe, pasi mund të kenë ende një mundësi për të fituar të drejtën e studimit.