28 aksione antikanabis në Shkodër, Apeli jep 42 vite burg për 10 kultivues
Operacioni në 2017- ën, njëri u vra për pazaret e drogës. Ja si funksiononin grupet Mes të dënuarve edhe 2 kryepleq, 8 të tjerë lirohen me kusht
Gjykata e Apelit në Sh kodër ka dënuar me 42 vite 5 muaj burg 10 persona të akuzuar si kultivues të bimëve narkotike kanabis sativa, ndërsa 8 të tjerë janë dënuar me 28 vite e 8 muaj burg, por janë lënë të lirë me kushtin që për 3 vite të mos kryejnë vepër penale. Ndërkaq, gjykata ka shpallur të pafajshëm një tjetër, ndërsa për një tjetër shtetas është pushuar çështja, pasi është ndarë nga jeta. Në këtë mënyrë, pas operacionit të policisë "Early Spring", që daton 8 shkurtin e vitit të kaluar, ku në total u arrestuan 27 persona të dyshuar si bashkëpunëtorë në kultivimin e bimëve narkotike në zonën e Dukagjinit, Gjykata e Apelit në Shkodër ka dhënë vendimin e formës së prerë për 19 persona, ndërsa për 7 të tjerë vijojnë ende gjyqet. Sipas vendimit të Gjykatës së Shkallës së Parë në Shkodër, në total janë sekuestruar 31.386 rrënjë kanabis të asgjësuara nga policia vendore në 166 parcela gjithsej, përmes 28 aksioneve të ndryshme gjatë periudhës 28 qershor- 28 shtator 2016. Para arrestimit, për disa muaj me radhë këta persona të dënuar janë përgjuar nga prokuroria dhe policia dhe më pas është vepruar përmes kontrolleve në terren, duke gjetur edhe parcelat me drogë në Dukagjin. shprehet një lloj bashkëpunimin i veçantë mes kultivuesve për ndihmë të ndërsjellë, që konsistonte në sigurimin e fidanëve, vendosjen e një farë rregulli për shfrytëzimin e burimeve ujore ( shumë e domosdoshme në kultivimin e bimëve narkotike), ruajtjen e parcelave nga dëmtimet, këmbimin e informacioneve mes tyre, sidomos të lëvizjeve të policisë në zonë. Madje, ata bashkëpunonin për të siguruar edhe informacion nga policia dhe shpërndarjen e këtij informacioni tek të gjithë kultivuesit. Vihet re kjo nga përgjimet, jo vetëm tek përmbajtja e tyre, ku duket qartë bashkëpunimi spontan dhe sipas nevojave të rastit, por edhe fakti që janë të gjithë të pandehurit që komunikojnë njëri me tjetrin, direkt ose indirekt. Këta të pandehur kanë bashkëpunuar mes tyre që në ndarjen e zonave, në gjetjen e farave, në kultivimin e bimëve dhe në ujitjen e tyre, në ndarjen e radhës për ujitje dhe të punëtorëve dhe ndarjen e mjeteve të ujitjes, burimeve, zorrëve, pompave të ujit dhe gjeneratorëve, etj., dhe po nga këta të pandehur është bërë edhe ruajtja e parcelave, si dhe komunikimet mes tyre në ruajtjen nga policia si të parcelave, ashtu edhe të bashkëpunëtorëve, në mënyrë që të mos i gjendeshin sende të kundraligjshme në banesa dhe në vendet ku qëndronin dhe mosgjetjen e bashkëpunëtorëve dhe punëtorëve të paguar prej tyre. Kjo e bën, në të shumtën e rasteve, shumë të vështirë ose të pamundur identifikimin e përkatësisë së sipërfaqes së kultivuar, por del qartë dhe pa asnjë dyshim se të gjithë të pandehurit janë të përfshirë në këtë veprimtari kriminale. Në përgjimet që kanë personat që u dënuan nga Gjykata e Apelit dhe të tjerët që janë në gjykim, në disa raste bashkëpunonin për të shitur kilogramët e kanabisit, pasi e prodhonin apo ndihmonin njëri- tjetrin në ruajtjen e parcelave. Gjatë bisedave këshillonin njëri- tjetrin që në disa raste të qëllonin me armë ndaj policisë, kur efektivët shkonin për të asgjësuar parcelat apo kishin dyshime për dekonspirim mes të njohurve të përbashkët, ose në disa raste jepnin siguri për mbrojtje nga policia për parcelat e tyre.