Dëshmia e ish- oficerit Nuhu, prokuroria e Tiranës nis hetimet
Denoncimet për përndjekje, në verifikim procedurat e ndjekura nga policia SHÇBA sekuestron librat e shërbimit në disa komisariate
Shërbimi për Çështjet e Brendshme dhe Anke sat pranë Ministrisë së Brendshme ka çelur një hetim për të sqaruar pretendimet e ngritura nga ish- oficeri i policisë Emiljano Nuhu se ishte kërcënuar me armë në postën e policisë FushëKrujë, në prani të deputetit të PS- së Taulan t Balla dhe kryebashkiakut të Krujës, Artur Bushi, pasi kishte marrë denoncimin e një vajze kundër djalit të deputetit Rraman Rraja. Mësohet se po verifikohen gjithë procedurat e ndjekura nga policia në lidhje me denoncimet e bëra për përndjekje nga 25- vjeçarja Xhisiela Maloku, po ashtu edhe denoncimet për kërcënime nga ish- oficeri i policisë. SHÇBA ka zbarkuar në Komisariatet nr. 3 dhe 6 në Tiranë, si dhe stacionin e Fushë Krujës, duke sekuestruar librat e shërbimit.
Gjithashtu, prokuroria e Tiranës ka nisur një hetim në lidhje me dëshminë e publikuar të mërkurën të Emiliano Nuhut. Organi i akuzës po heton mbi kallëzimin e bërë nga ana e ish- oficerit Nuhu për "kanosje për shkak të detyrës". Në kallëzimin e bërë në 1 shtator, Nuhu pretendon se është kërcënuar nga dy të afërm të deputetit në një lokal në Tiranë. Takimi në fjalë është zhvilluar në një lokal në zonën e Unazës së Re në kryeqytet. Prokuroria ka sekuestruar pamjet e kamerave të sigurisë së lokalit, të cilat nuk kanë audio. Nga këqyrja e pamjeve rezulton se tre personat janë takuar, kanë biseduar dhe janë përshëndetur me shtrëngim duarsh. Në deklarimet e dhëna për llogari të hetimit dy familjarët e Rrajës kanë pohuar se janë takuar vetëm për të diskutuar dhe kanë mohuar çdo kërcënim ndaj oficeri Nuhu. I njëjti fakt konstatohet edhe nga gjuha e trupit e tre personave në këtë takim. Hetimi ka zbuluar se takimi është lënë në një komunikim në whatsaap mes tyre dhe oficerit. Në analizë të komunikimit, të sekuestruar nga telefoni i njërit prej tyre, rezulton se i kanë kërkuar të takohen për të folur dhe se nuk ka ndonjë frazë kërcënuese.
DENONCIMET
Pasditen e së shtunës të datës 21 korrik 2018 në komisariatin nr. 3 është para-
qitur 25- vjeçarja Xhisiela Maloku, e cila ka denoncuar për përndjekje ish- të dashurin e saj Rexhep Rraja. Sipas asaj që 25- vjeçarja ka thënë para uniformave blu konfliktet mes të rinjve kanë nisur në fund të vitit 2017, atëherë kur edhe lidhja e tyre ka marrë fund. Gjatë këtyre muajve mes Xhisiela Malokut dhe Rexhep Rrajës ka pasur disa episode dhune për të cilat 25vjeçarja ka shkuar në disa komisariate si në komisariatin nr. 3, komisariatin nr. 6 në komisariatin e Krujës si edhe në stacionin e policisë në Fushë- Krujë. Por për arsye ende të paqarta vajza nuk i shkonte deri në fund denoncimit dhe linte deklarata me shkrim se problemet mes saj dhe ish- të
dashurit janë shuar. Në intervistën e dhënë për gazetarin Basir Çollaku, ish- oficeri i policisë Emiljano Nuho thotë se 25- vjeçarja nuk arrinte të kryente kallëzimin pasi kërcënohej me jetë nga ish- i dashuri dhe të afërmit e tij. Edhe guximi i marrë më 21 korrik ku në orën 19: 00 vajza u paraqit në këtë komisariat zgjati pak, pasi 2 orë më vonë, në orën 21: 00 ajo u paraqit në stacionin e policisë në Fushë- Krujë ku kërkoi të tërheqë denoncimin për përndjekje. Prej datës 21 korrik dhe deri në datën 30 korrik vajza u paraqit disa herë në komisariatet e policisë. Pas marrjes së denoncimit tek komisariati nr. 3 çështja u delegua në Fushë- Krujë aty ku edhe jetonte vajza dhe i akuzuari. Me rastin e vajzës u mor oficeri Gentjan Çitozi, i cili u denoncua nga vajza në SHÇBA e Durrësit pasi ai nuk po merrej siç duhet me rastin. Mësohet se po verifikohen gjithë procedurat e ndjekura nga policia në lidhje me denoncimet e bëra për përndjekje nga 25- vjeçarja Xhisiela Maloku, po ashtu edhe denoncimet për kërcënime nga ish- oficeri i policisë. SHÇBA ka zbarkuar në komisariatet nr. 3 dhe 6 në Tiranë, si dhe stacionin e Fushë Krujës, duke sekuestruar librat e shërbimit.
Më pas çështja iu kalua Emiljano Nuhut, i cili më 30 korrik ka marrë në pyetje vajzën dhe ka tentuar të marrë në pyetje Rexhep Rrajan. Në këtë moment ish- oficeri Nuhu pretendon se është kërcënuar me jetë në zyrën e tij nga xhaxhai i Rexhepit, Xhelal Rraja, i cili i vuri pistoletën në kokë. Të pranishëm në zyrë sipas Nuhut ishin deputeti Rraman Rraja, i shoqëruar nga kryetari i bashkisë së Krujës Artur Bushi dhe deputeti Taulant Balla. Po të njëjtën ditë, Nuhu pretendon se teksa po kthehej në banesën e tij në Tiranë është kërcënuar nga pjesëtarë të fisit Rraja, të cilët i kanë lënë takim në një lokal në zonën e Unazës së Re.