Bileta autobusi për fëmijët 0- 6 vjeç, Veliaj: Kemi kërkuar të jenë falas
Mbledhja e Këshillit Bashkiak të Tiranës/ Hapen 2 qendra për njerëzit në nevojë Organizata CRCA: Shkelje e të drejtave të vogëlushëve
Ditën e djeshme, është mbajtur mbledhja e radhës së Këshillit Bashkiak të Tiranës e cila është shoqëruar me debate të shumta nga ana e opozitës. Lidhur me debatin për pagesën e biletave të autobusit për fëmijët 0- 6 vjeç, kryebashkiaku Erion Veliaj i konsideroi si hipokrite qëndrimet e opozitës mbi këtë çështje. "Autori i ligjit që detyron fëmijët të paguajnë biletën e autobusit është Lulzim Basha, e bëri në 2007. Kryetari i Bashkisë së Tiranës, Erion Veliaj deklaroi sot gjatë mbledhjes së Këshillit Bashkiak se ish- ministri i Transporteve dhe kryetari i PD- së, Lulzim Basha është autori i ndryshimeve ligjore që detyronte fëmijët nga mosha 0 deri në 6 vjeç të paguanin biletën e udhëtimit në transportin urban",- tha Veliaj. Më tej ky i fundit sqaroi se administrata aktuale e Bashkisë Tiranë i ka kërkuar kompanive të transportit urban në qytetin e Tiranës që fëmijët e kësaj moshe të udhëtojnë falas në autobusët urban. Kjo pasi, sipas tij, qeveria e mëparshme e Partisë Demokratike e kishte hequr këtë detyrim për kompanitë me ligj, duke i lënë atyre dorë të lirë për të detyruar fëmijët që të paguanin biletën. "U ngrit një histeri për çmimin e biletës për fëmijët. Në fakt, ligjin e transportit urban në Republikën e Shqipërisë e ka bërë ishministri i Transportit, Lulzim Basha në vitin 2007, që ka hequr ligjin e kohës së Adil Çarçanit që thoshte nga 0 deri në 6 vjeç udhëtimi është falas. Bashkia jonë në kundërshtim me ligjin e Lulit ministër i Transporteve i ka kërkuar në mënyrë të paligjshme nëse flasim në sensin juridik të këtyre profesorëve të Juridikut që sa bojkotuan mbledhjen. I kemi kërkuar ne në kontratë që fëmijët të udhëtojnë falas",tha kryetari i Bashkisë së Tiranës, Erion Veliaj.
REAGIMI I ORGANIZATAVE CIVILE
Qendra për të Drejtat e Fëmijëve Shqipëri ( CRCA),
Koalicioni për Arsimin në Shqipëri( ACE), si dhe Rrjeti Kombëtar "Vepro për Fëmijët", kanë ngritur edhe një herë shqetësimin e tyre në lidhje me çmimin e biletave në transportin urban për fëmijët. Në deklaratë theksohet se një sërë raportesh të fundit nga media tregojnë se fëmijëve po
iu kërkohet të paguhet çmimi i biletës për transportin qytetas, rrethqytetas dhe ndërqytetas njësoj si të rriturit. "Gjendja paraqitet tepër shqetësuese sidomos në bashkitë ku ka transport publik të organizuar dhe funksional. Ligji për transportin i vitit 1998 ( me ndryshime në vitin
2014) nuk cakton detyrimin e bashkive për të ofruar tarifa me të ulta për transportin publik për fëmijët, megjithatë praktika e zakonshme kudo në Shqipëri ka qenë që fëmijët të paguajnë gjysmën e çmimit të biletës së të rriturive",- thotë CRCA në reagimin e saj. Më tej kjo organizatë thekson se
raportet më të fundit tregojnë se kjo praktikë është eliminuar tërësisht pasi Këshillat Bashkiake nuk kanë krijuar asnjë mundësi që fëmijët të përdorin transportin publik ose falas ose me tarifë të reduktuar. "Shteti shqiptar ka për detyrë të mbrojë pa paragjykim të drejtat e fëmijëve të sanksionuara në Kon-
ventën për të Drejtat e Fëmijës së OKB- së dhe nga ligjet e tjera të vendit. Shkelja e të drejtës së lëvizjes së lirë të fëmijëve sjell si pasojë edhe shkelje të tjera të rënda të të drejtës së fëmijës, si të drejtën për jetën, shëndetin, arsimin, dhe mirëqenien e tyre",- nënvizohet në deklaratë.