Oficeri Çitozi: Xhisela e tërhoqi padinë në prani të Rexhep Rrajës
Paradite e paditi për përdhunim, në darkë u pendua. Misteri, a u kërcënua? Dy dëshmitë e policit para prokurorëve
marrë kallëzimi është në datën 21 në komisariatin nr. 3, pas shumë përpjekjeve të shtetases Xhisela Maloku. Dhe pas kësaj kohe, veprimet janë kryer, por ajo nuk është trajtuar mesa di unë me përparësi, siç e shpjegon drejtoresha.
Nisida Tufa: Z. Nuhu, unë dua t'i rikthemi përsëri datës 21. Pasi ndodhi ajo që ju pretendoni, me kë folët për këtë gjë? Për deputetin Taulant Balla, për kërcënimin që keni marrë?
Emiljano Nuhu: Fola me drejtuesin tim të komisariatit dhe prokuroren e gatshme. Me këta dy persona kam komunikuar atë ditë. Më pas në datën 3 gusht kam vënë në dijeni drejtorin e përgjithshëm të policisë dhe ministrin e Brendshëm për problemin dhe në datën 14 përsëri e kam vënë në dijeni me ' email', por asnjë reagim nuk ndodhi nga këto institucione. Pse s'i përmend zv. drejtoresha në deklaratën e saj dy ' email'- et që unë i kam nisur drejtorit të përgjithshëm të policisë dhe ministrit të Brendshëm?
Nisida Tufa: Pra ky ' email' ekziston?
Emiljano Nuhu: ' Email'- i është nisur nga ' email'- i zyrtar i Policisë së Shtetit dhe ekziston.
Nisida Tufa: Janë dy ' email'- e tuaja?
Emiljano Nuhu: Po, ku unë i kam kërkuar ndihmë drejtorit të përgjithshëm për kërcënimin që më është bërë.
Nisida Tufa: Tek ky ' email' ju e përmendni deputetin Taulant Balla?
Emiljano Nuhu: Jo, nuk e përmend deputetin Taulant Balla në e ' mail', për shkak të hakmarrjes që do bënin ata ndaj meje po ta kisha përmendur.
Nisida Tufa: Pra, ju emrin e deputetit socialist Taulant Balla për herë të parë e përmendni vetëm publikisht, kur vendosët të flisni.
Emiljano Nuhu: Po nuk kisha guxim dhe besim t'i përmendja duke qenë në Shqipëri, për shkak të njerëzve që përfaqësojnë dhe fuqinë që kanë me pushtetin
Nisida Tufa: Po në ' email', cilët emra përmendët?
Emiljano Nuhu: Në ' email' i kam treguar rastin dhe kërcënimin që më është bërë nga shtetasit në datën 30 korrik 2018 dhe ngjarjen se si ka ndodhur me hollësi, çfarë përfaqësonin njerëzit që më kërcënuan dhe rrezikshmërinë e tyre. Dhe për shkak të këtij problemi, drejtori i përgjithshëm duhet minimalisht të më kishte thirrur dhe të më kishte pyetur si qëndron problemi dhe pastaj ta vlerësonte kisha nevojë unë për ndihmë, për mbështetje, për mbrojtje, ose s'kisha. Por drejtori i përgjithshëm as këtë gjë minimale nuk e bëri për të më pyetur si qëndron e vërteta.
Nisida Tufa: Pra, në vija të përgjithshme me aq sa kujtoni, çfarë përmbajtje kishte ky ' email'?
Emiljano Nuhu: Disa reshta nga ky email: ' Z. drejtor i përgjithshëm kërkoj mbështetjen tuaj, pasi unë në këtë vend ndihem i kërcënuar për shkak të dosjes hetimore që unë po vazhdoj hetimin dhe për shkak të kërcënimeve që më janë bërë në mënyrë të njëpasnjëshme nga shtetasit që kam përmendur. Dhe kërkoj të merrni masa në mënyrë ligjore për të më mbrojtur'.
Nisida Tufa: Po përgjigje a morët?
Emiljano Nuhu: Jo, nuk mora asnjë lloj përgjigje, as me ' email' zyrtar, as më mori njeri në telefon për të më pyetur si qëndron e vërteta. Një neglizhencë totale ndaj strukturave të Policisë së Shtetit, ndaj meje.
Mbrëmjen e 21 kor rikut, Rexhep Rra ja e shoqëroi Xhiselën në stacionin e policisë së Fushë- Krujës, të tërhiqte kallëzimin që ajo bëri ndaj tij për dhunë, mëngjesin e po asaj dite. Fakti tronditës, që të bën të dyshosh se 25- vjeçarja ka vepruar nën kërcënim, del në dritë nga dëshmitë që ish- nënkomisari Gentian Çitozi dha përpara Shërbimit të Çështjeve të Brendshme dhe Ankesave në Durrës, i cili u vu në lëvizje pas denoncimit të bërë nga Xhisela Maloku. "News 24" dhe "Balkanweb" disponojnë procesverbalet e marrjes në pyetje të Çitozit në datat 23 korrik dhe 3 gusht, në të cilat nënkomisari i pezulluar thotë se vajza u tërhoq me vullnetin e saj, por nuk jep shpjegime të qarta se përse i pranishëm në stacion ishte edhe ish- i dashuri i saj. "Rreth orës 14.00 jam njoftuar nga salla operative e Krujës, pasi kjo e fundit ishte lidhur me sallën operative të komisariatit nr. 3 në Tiranë, nga e cila kishte marrë kallëzimin që Xhisela Maloku kishte paraqitur për shtetasin Rexhep Rraja, duke pretenduar se ishte përndjekur, dhunuar, sharë dhe ofenduar prej tij. Për rastin jam njoftuar unë nga salla, me qëllim që të verifikoja atë dhe të kryeja veprimet procedurale, të cilat do të ishin të nevojshme për hetimin. Kam njoftuar shtetasin Rexhep Rraja, i cili është paraqitur pranë stacionit të Policisë Fushë Krujë, rreth orës 20: 00 i shoqëruar me kallëzuesen Xhisela Maloku, së bashku me dy avokatë dhe një psikologe. Me kërkesën e tyre kam përpiluar procesverbalin e heqjes dorë nga kallëzimi që kishte bërë pranë komisariatit të policisë nr. 3 Tiranë".
DËSHMIA
Çitozi deklaron se për të gjitha këto veprime ka komunikuar me shefin e stacionit, atë të Policisë Kriminale si dhe me shefin e Komisariatit Krujë. Ai mohon që nga ana e këtyre të fundit të ketë pasur presion apo kërkesë për të favorizuar të kallëzuarin Rexhep Rraja, djalin e deputetit të Partisë Socialiste, Rrahman Rraja. Qëndrim të ndryshëm nga Çitozi, i pezulluar nga detyra, mban ish- komisari Emiljano Nuhu. Ai pretendon se u kërcënua me armë në praninë e njerëzve të veshur me pushtet, me qëllim që të mos firmoste arrestimin e djalit të deputetit. Pavarësisht ' email'- it që nënkomisari Nuhu bëri më 14 gusht, një ditë më vonë, më 15 gusht ai transferohet në Berat dhe jo në Tiranë, siç kishte kërkuar. Kjo situatë e ka detyruar atë të braktisë policinë dhe të largohet nga vendi.