Masakroi gjyshen me 20 goditje thike në trup e në kokë, Redmond Gruda: Jam penduar
Gjykata lë në burg 21- vjeçarin. Prokuroria: Rrezikon burgim të përjetshëm I riu, i dënuar edhe dy herë të tjera për plagosje, të parën e kreu kur ishte vetëm 11 vjeç
Gjykata e Shkallës së Parë të Durrësit dje vendosi masën e sigurisë "Arrest me burg" ndaj 21- vjeçarit Redmond Gruda, i cili mesditën e së enjtes masakroi me 20 goditje thike gjyshen 81- vjeçare, Floresha Shkurti. Rreth orës 10: 30, i riu i veshur me atlete dhe me duar të lidhura pas shpine, doli para trupit gjykues që kryesohej nga gjyqtarja Aida Kaja. Gjatë seancës gjyqësore, autori i krimit që tronditi banorët e qytetit të Durrësit është treguar krejt i ftohtë, ndërsa asnjë nga familjarët e tij nuk ishin të pranishëm. Ngjarja e rëndë për të cilën akuzohet Gruda ndodhi në katin e tretë të një pallati në lagjen nr. 16 të këtij qyteti, ndërsa ende nuk janë zbardhur motivet. Gjatë fjalës së tij, 21- vjeçari ka pranuar autorësinë. "Po, unë e vrava gjyshen dhe jam penduar për krimin që ka bërë", ka thënë i pandehuri. I pyetur përse e masakroi të moshuarën, Redmond Gruda ka heshtur dhe nuk ka kthyer përgjigje. Ndërsa ka pohuar se ka qenë duke vuajtur dënimin për një plagosje ( ishte me masë sigurie "Detyrim paraqitjeje". Ndërkaq, prokurori i çështjes, Pali Decolli u kërkoi togave të zeza të Durrësit lënien në burg të autorit të ngjarjes së ndodhur pak ditë më parë, duke argumentuar se Redmond Gruda është person me rrezikshmëri të lartë shoqërore. Mësohet se 21- vjeçari është proceduar dhe dënuar edhe dy herë të tjera për plagosje, dhe se plagosjen e parë e ka kryer kur ishte vetëm 11 vjeç. Gjithashtu, përfaqësuesi i organit të akuzës u shpreh gjatë seancës se ekziston dyshimi për vrasje në kushte të marrëdhënieve familjare dhe për këtë, autor i dyshuar është Redmond Gruda. "Kemi të bëjmë me një vepër që dënohet me burg të përjetshëm. Autori ka rrezikshmëri. Kërkoj vlerësim të ligjshëm të arrestit me burg", u shpreh prokurori Decolli. Sipas burimeve zyrtare nga policia dhe prokuroria e qytetit bregdetar, bënë me dije se 81vjeçarja u gjet e pajetë në dhomën e gjumit, ndërsa kishte plage në kokë, qafë, krahë dhe duar, të shkaktuara me mjet prerës. Ndërsa në tualet u gjeten rrobat, një çantë, si dhe një thikë e këputur. Në fund të seancës, trupi gjykues vendosi lënien në qeli të Redmond Grudës.
DËSHMIA E VRASËSIT PARA HETUESVE
"Në shtëpi jetonim me mamin dhe me gjyshen, por faktikisht ishim të ndarë dhe secili rrinte për hesapin e tij. Që prej vdekjes së babait, debatet me gjyshen ishin të vazhdueshme dhe Përfaqësuesi i akuzës, Pali Decolli, u kërkoi togave të zeza të Durrësit lënien në burg të autorit të ngjarjes së ndodhur pak ditë më parë, duke argumentuar se Redmond Gruda është person me rrezikshmëri të lartë shoqërore. "Kemi të bëjmë me një vepër që dënohet me burg përjetë. Autori ka rrezikshmëri. Kërkoj vlerësim të ligjshëm të arrestit me burg", u shpreh prokurori Decolli.
shtoheshin. Sot ( dje) debatova shumë me gjyshen dhe në gjaknxehtësi e sipër e godita me majën e thikës në kokë", ka thënë 21- vjeçari, Redmond Gruda, i cili akuzohet për vrasje me dashje. Mësohet se viktima jetonte me nusen e djalit dhe nipin e saj, pasi djali i saj kishte ndërruar jetë disa vite më parë nga një sëmundje e rëndë. Burime nga grupi hetimor pohuan se i riu ka tentuar të fshehë provat e krimit dhe se ishte ekspertiza që saktësoi se 81- vjeçarja Floresha Shkurti ishte vrarë me thikë pas koke dhe nuk kishte pësuar vdekje aksidentale, siç u dyshua fillimisht. Sipas burimeve zyrtare nga policia dhe prokuroria e qytetit bregdetar, bënë me dije se 81- vjeçarja u gjet e pajetë në dhomën e gjumit, ndërsa kishte plage në kokë, qafë, krahë dhe duar, të shkaktuara me mjet prerës. Ndërsa në tualet u gjeten rrobat, një çantë, si dhe një thikë e këputur. Në fund të seancës, trupi gjykues vendosi lënien në qeli të Redmond Grudës.