"25 mijë dollarë për në SHBA dhe 7 mijë paund për në Britani", policia: 300 persona të kontrabanduar

Megaoperacioni "One If By Land", 2 policë në pranga

TIRANË - Policia shqiptare në bashkëpunim me SHÇBA- në, Prokurorinë e Krimeve të Rënda dhe partnerëve amerikanë kanë finalizuar një megaperacion, i cili nisi që në mars të këtij viti. Bëhet fjalë për operacionin e koduar "One If By Land", që u zhvillua në kuadër të goditjes së kontrabandimit të personave me qëllim emigrimin drejt SHBA- ve, Kanadasë dhe Mbretërisë së Bashkuar. Në një konferencë të mbajtur ditën e djeshme në Drejtorinë e Përgjithshme të Policisë së Shtetit, drejtori i Departamentit të Policisë Kriminale Eduart Merkaj bëri me dije se nga veprimet hetimore të kryera rezulton se 7 grupe të strukturuara kriminale, të cilat opero-

ITINERARET

Pjesëtarët e këtyre grupeve kriminale përdornin itineraret: Shqipëri- Itali- Mbretëri e Bashkuar, ShqipëriFrancë- Mbretëri e Bashkuar, Shqipëri- BullgariBelgjikë- Republika Domenikane- SHBA/ Kanada si dhe Shqipëri- Spanjë- Amerika Latine- SHBA/ Kanada.

nin në Shqipëri, Bullgari, Spanjë, Francë, Republikën Domenikane, Itali, Mbretëri e Bashkuar, SHBA, Kanada, kanë mundësuar kontrabandimin e mbi 300 personave ( shtetas shqiptarë) në drejtim të vendeve si

Mbretërisë së Bashkuar, SHBA- ve dhe Kanadasë. "Për çdo person paguhej nga 7000 paund për në Mbretërinë e Bashkuar dhe nga 25 000 - 30 000 dollarë për në SHBA dhe Kanada. Pjesëtarët e këtyre grupeve kriminale përmes veprimeve aktive ndihmonin shtetasit shqiptarë të interesuar për të emigruar në mënyrë të paligjshme drejt vendeve të mësipërme, duke falsifikuar dokumente udhëtimi dhe identiteti të vendeve të BE- së", tha Merkaj. I gjithë hetimi është zhvilluar me metoda speciale nga Policia e Shtetit, nën drejtimin e Prokurorisë së Krimeve të Rënda, ka zgjatur disa muaj. Në datën 17 mars 2018 u finalizua me sukses pjesa kryesore e këtij operacioni ku u arres- tuan 39 persona. Ndërkohë, hetimi intensiv ka vazhduar edhe gjatë kësaj periudhe. Falë bashkëpunimit midis SHÇBA, oficerë të Departamentit të Policisë Kriminale dhe të Institutit të Policisë Shkencore është bërë e mundur që të identifikohen dhe më pas të arrestohen në datën 28 shtator 2018 si bashkëpunëtorë në këtë grup të strukturuar kriminal 2 punonjës policie me detyrë kontrollor ( roje kufitarë në PKK Rinas si dhe një agjent i kompanisë ICTS në aeroportin e Rinasit. Më konkretisht janë arrestuar me vendim të Gjykatës së Krimeve të Rënda, punonjësit e policisë: Almir Doda, lindur në Mirditë dhe banues në Tiranë, për veprat penale të "Ndihmës për kalim të paligjshëm të kufijve" kryer në formën e grupit të strukturuar kriminal dhe Edmond Llaçini, për kryerjen e veprave penale të "Ndihmës për kalim të paligjshëm të kufijve" kryer në formën e grupit të strukturuar kriminal.