Xhisela Maloku insiston në rrjetet sociale: Sherr mes të dashuruarish
Vajza që paditi djalin e deputetit për dhunë ndërron mendje në publik "Rexhepin do vazhdoj ta mbështes në çdo gjë"
shtë kthyer në një çështje të nxehtë ras ti i Xhisela Malokut. U dhunua apo jo? Iu fik cigare në trup apo jo? Kemi një ekspertizë mjeko- ligjore që thotë po dhe një deklaratë të Xhiselës që e mohon një gjë të tillë. E në këtë tymnajë të madhe, mbështetja ndaj ish- të dashurit të saj duket se është "qershia mbi tortë". Xhisela Maloku parmbrëmë doli në dy televizionet më të rëndësishme në vend, duke folur në lidhje me denoncimin që ajo ka bërë kundrejt Rexhep Rrajës për dhunë. Në dy intervistat e saj, ajo e ndryshoi versionin të ngjarjen nga çfarë kishte thënë në dëshminë e saj në polici.
Madje, u shpreh se ajo dëshmi është e rremë dhe se e ka bërë për arsye xhelozie. Ndërkohë që sot tregon se pse nuk ishte e pranishme në sallën e gjyqit ku u dha masa ndaj ish- të dashurit të saj që akuzohet për përndjekje, ndërsa thekson se do ta mbështesë atë në çdo gjë.
Përmes një postimi në "Instagram", Xhisela Maloku ka bërë të ditur se i qëndron çdo interviste që ka dhënë, duke i kërkuar nga ana tjetër politikës që të mos fusë hundët.
POSTIMI I PLOTË
"Falënderoj të gjithë ata që më kanë mbështetur dhe vazhdojnë ta bëjnë. I lutem gjithë opinionit publik për mesazhet negative dhe fyese të ndalen derisa të zbardhet e vërteta. Në lidhje me mospraninë time sot në masën e arrestit për ish- të dashurin, tim dua t'ju sqaroj sepse të pranishëm kanë qenë shumë familjarë të tij dhe prania ime aty do të quhet përsëri kërcënim. I qëndroj çdo interviste që kam dhënë dhe Rexhepin do vazhdoj ta mbështes në çdo gjë. Masa e tij e arrestit ishte e qartë që ishte politike, dimë të gjithë mijëra rase të tilla konfliktesh mes të dashuruarve, por jo të të gjithë janë ' djali i deputetit'. Ai është ish- i dashuri im, nesër mund të jetë miku im, ka mbështetjen time dhe i them që do ia dalë derisa e vërteta të zbardhet siç është dhe politika të mos fusë më hundët. Faleminderit të gjithëve". Kryeministri Edi Rama, të martën ka paralajmëruar një paketë antishpifje pas akuzave të opozitës mbi mazhorancën dhe atë vetë me denoncimin e dhunimit të Xhisela Malokut nga djali i deputetit të PS. "Më vjen mirë që s'jam më i vetmi që them se vajzën e morën peng dhe e kthyen në mish për topat e kazanit politik e mediatik! Më mirë vonë se kurrë. Ndërkohë, duhet çmontuar me fakte pjesa tjetër e këtij horrori mendjesh e gojësh të përdala. Dhe shumë shpejt një paketë antishpifje", shkruan Rama në "Facebook".