Protesta në Mengël degjeneron në dhunë, policia gjakos fëmijët
Tensionohet protesta për shkollën, lirohet pas 6 orësh rruga Elbasan- Librazhd Fëmijët kërkojnë rihapjen e shkollës në Mengël
Nxënësit e shkollës së fshatit Mengël të La binotit në Elbasan, bojkotuan mësimin ditën e djeshme dhe bashkë me prindërit e tyre protestuan kundër largimit të shkollës ku janë aktualisht. Prindër dhe nxënës të këtij fshati përshkallëzua protestën kundër mbylljes së shkollës. Protesta degjeneroi në dhunë fizike edhe mbi fëmijët të cilët të traumatizuar, u shprehen mes lotësh se janë goditur nga Forcat Speciale. ' Më gjuajtën policët te koka!' dëgjohet të thotë një djalë i vogël, me lot në sy. Protestuesit për afro 6 orë bllokuan rrugën dhe kërkuan që të mos transferohen në shkollë tjetër, pasi sipas tyre do u prishet shkolla që kanë. Edhe pse kishin deklaruar se do e hapnin rrugën në orën 16: 00, protestuesit kanë pranuar të tërhiqen rreth orës 18: 00. Por protesta e prindërve dhe fëmijëve të shkollës 9vjeçare në Mengël të Elbasanit, të cilët kërkojnë hapjen e shkollës së tyre, e dëmtuar nga tërmeti para një viti u shoqërua me tensione dhe përplasje fizike protesta. Protesta nisi prej orës 12: 00 ndërkohë që për afro 6 orë pati edhe fëmijë, gjendja shëndetësore e të cilëve u rëndua, pasi ndjeheshin të lodhur dhe të uritur. Protestuesit u ulën në mes të rrugës dhe bllokuan qarkullimin në aksin kombëtar Elbasan- Librazhd dhe për pasojë krijuan radhë të gjata automjetesh. Në këtë protestë mori pjesë dhe deputeti i PD, Luçiano Boçi, i cili është përplasur me forcat e policisë. Protesta degjeneroi në dhunë ndërsa mësohet se është goditur edhe deputeti demokrat Luçiano Boçi. Mes fëmijëve që qanin kishte edhe të gjakosur në fytyrë ndërkohë që protestuesit mësohet se një polici i kanë marrë dhe pistoletën. Mes protestuesve pothuajse gjatë gjithë kohës ishte edhe deputeti i PD, Luçiano Boçi, ndërsa në disa raste pati konfrontime mes protestuesve dhe policisë. Nënkryetari i bashkisë së Elbasanit, Klevis Xhoxhi i shoqëruar nga drejtues të Drejtorisë së Policisë Vendore mbërriti te protestuesit për të negociuar. Gjithashtu, Drejtori i policisë, Altin Qato është takuar me deputetin e PD Luçiono Boçi. Në vendngjarje ishin forca të shumtë policie dhe qytetarë, që protestonin, por dhe shumë makina mbetën të bllokuara. Nxënësve iu duhet të udhëtojnë çdo ditë për në qytetin e Elbasanit për të ndjekur mësimin për shkak se shkol- la e tyre është mbyllur vitin e kaluar pasi u dëmtua pas lëkundjeve të tërmetit dhe është cilësuar e rrezikshme. Drejtorja e shkollës njoftoi dje se të hënën bashkia Elbasan zhvillon tenderin për firmën që do të rikonstruktojë shkollën, por prindërit nuk e besuan. Janë 271 nxënës qe prej 17 shtatorit te mos ulen ne bankën e sh-
kollës, ndërsa protestojnë bashkë me prindërit për hapjen e shkollës së fshatit. Sipas specialistëve, shkolla e Mengëlit ka nevojë për rikonstruksion forcues të strukturave pasi rrezikon të shembet. Në të tillë situatë nxënësve u është siguruar transporti falas deri në shkollat e qytetit, por rreth 200 nxënës e kanë bojkotuar.