Çuçi: Do kryejmë detyrimet tona, reforma zgjedhore nuk ka vdekur

Mazhoranca do të propozojë më 8 tetor draftin e saj, PD bojkoton

Mungesa

e opozitës në punimet e Kuvendit duket se po sjell edhe dështimin e reformës zgjedhore. Socialistët pritet të paraqesin një draft të tyrin për ndryshimet në ligjin zgjedhore, ndërsa opozita e ka cilësuar këtë të njëanshme. Bashkëkryetari i komisionit të reformës zgjedhore, socialisti Bledi Çuçi tha dje se shpresonte që PD të rikthehej në tryezë. "Javën e ardhshme prezantojmë draftin e propozimeve për reformën zgjedhore. Drafti do t'u dorëzohet të gjitha partive parlamentare. Drafti përfshin kërkesat dhe rekomandimet e bëra. Në draft kanë kontribut edhe ekspertë gjermanë", u shpreh Çuçi. Drafti është hartuar nga dy ekspertë, Viktor Gumi i cili është i PS- së dhe Ilir Rusmali i PDsë, të cilët prej gushtit kanë përkthyer në amendamente vullnetin e partive politike për reformimin e ligjit elektoral. Por prezantimi i draftit përveç shprehjes se vullnetit për realizimin e reformës, nuk sjell asgjë konkrete, pasi duhen 84 vota dhe konsensusi i demokrateve për ta miratuar. "Shpresoj që edhe opozita të vijë dhe të bëhet pjesë e këtij procesi deri në fund. Ne si maxhorancë do kryejmë detyrimet dhe përgjegjësinë tonë që kemi përpara shqiptarëve. Reforma nuk ka vdekur ende", tha më tej Bledi Çuçi, duke shpresuar në rikthimin e PD- së në Kuvend. Palët kanë rëndë dakord për kërkesat kryesore, siç është pranimi i votimit dhe identifikimit elektronik siç kërkon PD, si dhe votën e emigrantëve për vitin 2021 siç kërkon PS. Socialistët nuk kanë ndërmend të presin më, por në 8 tetor do të publikojnë amendamentet e tyre të përgatitura nga eksperti Viktor Gumi.