Sherr në sallën e gjyqit, avokatja Eni Çobani ' përfundon' në polici
Juristja: Nuk jam shoqëruar në komisariat, e gjitha është dezinformim! Përplasja, me ish- nusen e klientes së saj, Rudina Islamaj
Avokatja e njohur, Eni Çobani është përf shirë dje në një debat gjatë një seance gjyqësore, ndërsa ka përfunduar në polici për sqarim. Ajo u akuzua nga ish- nusja e klientes së saj për kërcënim. Teksa përfaqësonte në sallën e gjyqit në Gjirokastër, Merushe Makrin, juristja e njohur nga rubrika "Shihemi në gjyq" ka nisur një konflikt verbal me ish- nusen e klientes së saj, Rudina Islamaj. Kjo e fundit ishte ajo që denoncoi kryetarin e gjykatës së Gjirokastrës, Guximtar Boçi, duke i bërë një kamera të fshehtë, ndërsa e akuzoi për ngacmim seksual. Kushërira e Rudina Islamajt tregoi për "News 24" dhe "Gazeta Shqiptare" si nisi përplasja. Ajo u shpreh se seanca ka filluar normalisht, por pas prezantimit të trupit gjykues, Rudina kërkoi përjashtimin e trupës dhe kryesuesit, Tomorr Skreli. Në këtë moment ka reaguar avokatja Çobani, e cila fillimisht i është drejtuar trupit gjykues, duke u thënë për Islamajn që është një person i rrezikshëm dhe se duhet kontrolluar para se të hyjë në gjykatë, sepse qarkullon me çimka. Kaq ka mjaftuar që mes tyre të niste një debat verbal. Mësohet se Çobani i është drejtuar Rudina Islamajt se "nga unë nuk do të shpëtosh kurrë, deri sa të jem gjallë". Fill pas këtij debati, Islamaj ka telefonuar policinë. Avokatja Çobani ka shkuar në polici ku është sqaruar për sherrin në fjalë. Ndërkaq, e kontaktuar nga "Gazeta Shqiptare", juristja Eni Çobani e ka mohuar një gjë të tillë. Ajo bëri me dije se në Gjykatën e Apelit është zhvilluar një seancë normale dhe nuk ka pasur asgjë nga ato që flitet nëpër media. Nga ana tjetër, vetë klientja e avokates, Merushe Makri ka pranuar se avokatja e saj,
Çobani ka debatuar me ishnusen e djalit të saj.
REAGIMI I AVOKATES
Eni Çobani e ka quajtur skandaloze lajmin për shoqërimin e saj në policinë e Gjirokastrës. Ndërsa theksoi se po kthehej në Tiranë dhe se nuk ka pasur asnjë shoqërim në komisariat. "E gjitha është një dezin-
formim. Skandaloze, nuk e di se si ka dalë ky lajm që unë jam shoqëruar në komisariat. Është një lajm i rremë dhe se di se si mund të luhet me figura publike. Unë jam duke u kthyer për në Tiranë dhe një gjë të tillë e kam marrë vesh nga të tretë. Në Gjykatën e Apelit është zhvilluar një seancë normale
dhe nuk ka pasur asnjë gjë nga ato që thonë mediat", pohoi Çobani. Nga informacioni i marrë nga gjykata e Apelit Gjirokastër, pohohet se ka qenë një seancë normale dhe se nuk dihet se nga e ka burimin ky lajm i rremë. Kushërira e Rudina Islamajt tregoi për "News 24" dhe "Gazeta Shqiptare" si nisi përplasja. Ajo u shpreh se seanca ka filluar normalisht, por pas prezantimit të trupit gjykues, Rudina kërkoi përjashtimin e trupës dhe kryesuesit, Tomorr Skreli. Në këtë moment ka reaguar avokatja Eni Çobani. Në ' Instagram'- in e saj, juristja Eni Çobani ka postuar dje një foto me klienten e saj, Merushe Makrin, ku shkruan: E dua Gjirokastrën, siç dua gjithë trevat ku ka shqiptarë po këtu kam rrënjët e të parëve të mi dhe ndihem si në shtëpinë time. Faleminderit për mbështetjen dhe dashurinë patriotët e mi. Gjithashtu, Çobani ka postuar edhe një foto në ' Instastory' ku shkruan: Në kërkim të së vërtetës.
Edhe policia e Gjirokastrës, e kontaktuar nga "Gazeta Shqiptare" ka pohuar të njëjtën gjë. Madje kërkesës për një komunikatë lidhur me këtë ngjarje, ajo i është përgjigjur negativisht.