Dialogu Kosovë- Serbi, Bërnabiç: Ja cilat janë tri pengesat
Ndryshime në qeveri, paralajmërohen dy dorëheqje ministrash në nga PDK- ja Daçiç: Me korrigjimin e kufijve përfitojmë më shumë
Ana Bërnabiç, kryemi nistrja e Serbisë, dek laroi se për vazhdimësinë e dialogut Serbi- Kosovë ka tri pengesa. Teksa i përmendi rastet, Bërnabiç tha se autoritetet kosovare provokojnë shpeshherë me ndërhyrjet që bëjnë në Veri. "Provokimet dhe ndërhyrjet e përhershme në veri, mosrespektimi i marrëveshjeve të arritura si dhe deklaratat e vazhdueshme të kryeministrit shqiptar Edi Rama për hapje të kufijve ndërmjet Shqipërisë e Kosovës", pohoi kryeministrja serbe, përcjell "Fo Net". Ajo ka përfunduar se, "Serbia i ka përmbushur të gjitha ato që ka nënshkruar në Bruksel". Ndërkaq, nga ana tjetër mendohet se në kabinetin qeveritar të Kosovës, disa ministra të PDK- së vlerësohet se kanë më shumë ndikim te presidenti Hashim Thaçi sesa kryetari i kësaj partie, Kadri Veseli. Për këtë arsye ky i fundit po shikon mundësinë e zëvendësimit të disa prej tyre. Kreu i PDK- së ende nuk e ka pranuar dorëheqjen e ofruar nga ministri i Drejtësisë, Abelard Tahiri, i cili të shtunën së bashku me ministrin e Financave, Bedri Hamzën e ka shoqëruar Thaçin në vizitën që ai ka bërë Ujmanit, vizitë kjo të cilën e ka kritikuar Veseli. Qeveria e drejtuar nga kryeministri Ramush Haradinaj nuk po arrin të jetë e qëndrueshme, edhe pse ka vetëm një vit që është formuar, shkruan gazeta "Zëri". Pas tre ministrave që kanë dhënë dorëheqje përgjatë një vit qeverisjeje, para pak ditësh dorëheqjen e tij e ka ofruar edhe ministri i Drejtësisë, Abelard Tahiri, i cili vjen nga radhët e PDK- së. Madje, pas Tahirit, janë paralajmëruar edhe dy dorëheqje të tjera për në ditët në vijim, pikërisht nga dikasteret me të cilat udhëheq PDK- ja. Ndërsa lidhur me çështjen e korrigjimit të kufijve, presidenti kosovar, Hashim Thaçi nuk heq dorë nga mbështetja për idenë e bashkimit të Luginës së Preshevës me Kosovën. Mbësh- tetjen ua rikonfirmoi përfaqësuesve të shoqatës "Medvegja", gjatë një takimi që pati me ta në Gjenevë ditën e martë. Në një postim në "Facebook", Thaçi thotë se vullneti i shqiptarëve të Luginës së Preshevës i shprehur në referendumin e vitit 1992 duhet respektuar. Por nga ana tjetër nuk mungojnë as replikat e serbëve lidhur me korrigjimin e kufijve. Në një intervistë për mediat serbe, ministri i Jashtëm i Serbisë, Ivica Daçiç u shpreh se nëse zbatohet ideja e korrigjimit të kufijve me Kosovën, Serbia merr më shumë se veriun e Mitrovicës. Ministri i Jashtëm i Serbisë, Ivica Daçiç, gjatë një interviste për Radio Televizionin e Vojvodinës shpjegoi se çfarë nënkupton ideja e korrigjimit të kufijve mes Kosovës e Serbisë, në kuadër të dialogut në Bruksel. Ai vuri në dukje se nuk është vetëm veriu i Kosovës që mbetet në Serbi, por edhe pjesë të tjera të Kosovës të banuara nga serbët. Daçiç shtoi se çështje për t'u diskutuar në Bruksel është edhe statusi i pronës së Kishës Ortodokse Serbe. Ministri serb, gjithashtu vlerësoi se në rast të ndonjë konflikti, një sulm i armatosur mund të fillonte në veri të Kosovës; por kjo do të ndikonte në rrugën evropiane të Serbisë, pasi "një konflikt me Kosovën do të nënkuptonte një konflikt me KFOR- in".