Mbledhja e opozitës, VMRO e LSDM vendosin për të ardhmen e Maqedonisë lidhur me marrëveshjen e Prespës
Lëvizja "Besa" është pro ndryshimit të Kushtetutës
Lideri
i opozitës maqedo nase, Hristijan Mickovski paralajmëroi ditën e djeshme se pas konsultimeve me grupin parlamentar do të vendosë lidhur me ofertën e kryeministrit Zaev për zgjedhje të parakohshme parlamentare. Lideri i opozitës tashmë i bëri të ditur tri kushtet, pa të cilët vlerëson se zgjedhjet nuk do të jenë të rregullta. Kërkohet qeveri sipas "Modelit të Përzhinës" 100 ditë para zgjedhjeve, dorëheqje të Prokurorit Publik dhe zgjedhjen e një prokurori të ri me propozim të opozitës dhe formimin e një komisioni parlamentar për referendumin. Pikërisht këto kushte duhet të marrin përkrahje nga organet e larta të opozitës maqedonase dhe të njëjtat duhet t'i propozo- hen Komitetit Qendror Partiak. Ndërkohë pozita dhe opozita përgënjeshtrojnë se janë duke zhvilluar bisedime sekrete për përkrahje të ndryshimeve kushtetuese. Përfaqësues të lartë të qeverisë në disa media kanë shpalosur qëndrimin se në partinë LSDM nuk ka disponim që të binden deputetët e opozitës të votojnë për ndryshime të Kushtetutës dhe se më i sigurt mbetet opsioni për zgjedhje të parakohshme, për shkak se siç thuhet, kërkesat e VMRO- DPMNE- së janë të papran- ueshme për shkak të afateve kohore. Ndërkohë, burime të "Klan" Maqedoni nga BDI thanë se kreu i kësaj partie, Ali Ahmeti beson se ende nuk janë shteruar të gjitha mundësitë e dialogut mes mazhorancës dhe opozitës maqedonase. Mësohet po ashtu se ka përpjekje diplomatike për gjetjen e një zgjidhjeje kompromisi. Ndërkaq, kreu i lëvizjes opozitare "Besa", Bilall Kasami, në një prononcim për TV "Klan" ka komentuar situatën pas referendumit të pasuksesshëm në Maqedoni. Sipas tij, partitë për kapërcimin e krizës politike duhet të kenë parësore interesat e qytetarëve. Kasami është i mendimit se parlamenti duhet të bëj së pari ndryshimin e Kushtetutës, konform marrëveshjes së arritur me Greqinë, për emrin, e pastaj të shkohet në zgjedhje. Megjithatë, kreu i lëvizjes "Besa" angazhohet që në ndryshimin e Kushtetutës së Maqedonisë të shikohen edhe interesat e shqiptarëve të këtushëm. Duke komentuar referendumin e 30 shtatorit, Kasami tha se ai ësh-
të një mesazh i fuqishëm që partitë politike të marrin përgjegjësitë e veta për punën që bëjnë. Në referendumin e së dielës nuk u arrit censusi për kalimin e tij dhe kjo e ka futur vendin në një ngërç për kapërcimin e të cilit do të duhet edhe angazhimi i faktorit ndërkombëtar.