Bojkoti i opozitës, PS miraton fondin për organet e vetingut
Braçe kërkon Ahmetajn: Eja në interpelancë! Ministri: Eurobondi, test i ekonomisë Mungon Rraja, shtyhet "Statusi i gjyqtarëve" dhe "Kodi Rrugor"
Opozita bojkotoi sër ish dje Kuvendin, por pavarësisht nga mungesa e opozitës, mazhoranca miratoi me 72 vota pro tri projektvendimet për shtimin e buxhetit dhe stafit për organet e drejtësisë. Ndërsa u shtyn sërish ligjet me shumicë të cilësuar. "Statusi i gjyqtarëve" dhe "Kodi Rrugor" vijojnë të presin votat e opozitës. I vetmi që ka bërë opozitarin në sallën e Kuvendit ishte Erjon Braçe. Shkak ishte mosparaqitja e ministrit të Financave në interpelancë prej 5 javësh për ligjin e sportit. Në nisje të seancës foli Braçe, i cili kërkoi me urgjencë një interpelancë me ministrin e Financave dhe Ekonomisë, Arben Ahmetajn, kërkesë kjo e përsëritur siç tha ai, pas një korrespondence disamujore me shkresa mes tyre. "Kërkoj interpelancë për një çështje konkrete me interes publik. Kanë kaluar 2 javë dhe unë akoma pres. Është neni 80 i Kushtetutës jo pika 80 e dëshirave të mia. Kemi 6 muaj që komunikojmë me shkresa, më lejoni të them se përgjigjet që kam marrë janë tallje. Bëhet fjalë për ligjshmërinë fiskale të një institucioni të caktuar, për detyrimet që përcakton ligji për sportin, që duhet të ishin arkëtuar në buxhetin e shtetit prej vitesh", deklaroi z. Braçe. Kërkesës së Braçes iu përgjigjur kryeparlamentari Gramoz Ruçi, i cili e justifikoi ministrin Ahmetaj: "Është kthyer mbrëmë vonë ministri. Ka qenë jashtë shtetit për eurobondin, ka qenë i ngarkuar. Kërkesa juaj do reflektohet". Por më pas ministri i Ekonomisë dhe Financave, Arben Ahmetaj, foli në Kuvend për rritjen e ekonomisë falë reformave të ndërmarra nga qeveria. Sipas tij, blerja e eurobondit shqiptar pak ditë më parë në tregjet ndërkombëtare tregon se investitorët e huaj kanë tashmë besim në ekonominë shqiptare. "Eurobondi ishte test i ekonomisë shqiptare. Tregjet ndërkombëtare pranuan të investojnë", u shpreh ministri. Në seancë dje ra në sy edhe mungesa e deputetit socialist të shumëpërfolur ditët e fundit Rrahman Rraja, i akuzuar se kërcënoi oficerin e policisë, Emiljano Nuhu në mbrojtje të të birit.
VOTIMI
Kuvendi miratoi dje projektligjet në rendin e ditës pa praninë e opozitës, e cila Kuvendi njofton shpalljen e 3 vendeve vakante për anëtarë të Këshillit Mbikëqyrës të Bankës së Shqipërisë. Aplikantët duhet të plotësojnë disa kritere si ai i arsimit të lartë ekonomik ose juridik, përvojë pune mbi 5- vjeçare në administratën publike ose në institucione financiare e bankare. Funksioni i anëtarit të Këshillit Mbikëqyrës është i papajtueshëm me atë të deputetit, ministrit si dhe të punonjësit, të administratorit e të aksionarit, me pjesëmarrje ndikuese në bankën e nivelit të dytë ose në subjektet që licencohen nga Banka e Shqipërisë.