Pakti me Greqinë, Bushati: Më habiti Meta që ndryshoi qëndrim, por s'e gjykoj
Ministri i Jashtëm: E konsiderojmë veten pjesë të një ekipi negociatorësh "Plotfuqishmëria, nuk mund të bëjmë dasmë pa pasur çiftin"
Ministri i Jashtëm, Ditmir Bushati shprehu habi dje me qëndrimin e Presidentit të Republikës, Ilir Meta, lidhur me çështjen e detit. I pyetur nga gazetarët gjatë një konference për shtyp me ministren austriake për Evropën, Karin Kneissl, Bushati iu përgjigj kreut të shtetit. Një ditë më parë, gjatë një interviste për "Zëri i Amerikës", Presidentit Meta deklaroi se ishte dakord me kryeministrin Edi Rama për paktin me Greqinë, por se marrëveshja duhej të ratifikohej në Kuvend në momentin kur Gjykata Kushtetuese të jetë funksionale.
Ministri Ditmir Bushati e quajti të pamatur që ai apo Presidenti i Republikës të shprehin në media mosmarrëveshjet me njëri- tjetrin për sa u përket negociatave me Greqinë, duke iu referuar deklaratës së kreut të shtetit gjatë një interviste për "Zërin e Amerikës". "Ne jemi në një proces negocimi me Greqinë për një paketë të gjerë çështjesh, përfshi dhe çështjet që kanë të bëjnë me kufizimin e zonave detare. Besoj se është e njohur për të gjithë opinionin publik historiku i kësaj çështjeje. Në gjykimin tonë është e rëndësishme që kemi arritur të ulemi sërish me palën greke në tryezën e bisedimeve si të barabartë për të gjetur një zgjidhje, e cila do të jetë në përputhje me të drejtën ndërkombëtare dhe detyrimet kushtetuese dhe legjislacionet në dy vendet respektive. Në këtë kontekst do të ishte e pamatur nga ana ime që të ndaja me ju opinione në lidhje me mosmarrëveshje apo qëndrime të ndryshme, që mund të kemi për këtë çështje me Presidentin e Republikës. E kam thënë dhe i mbetet të njëjtit qëndrim", deklaroi Bushati. "Në këtë proces Presidenti i Republikës ka dhënë autorizimin siç përcakton Kushtetuta dhe ligji për mua si ministër i Jashtëm. Unë kam lëshuar plotfuqishmërinë bazuar mbi autoriz- "Me kryeministrin Rama kemi pasur një dakordësim të plotë. Kemi pasur disa mosmarrëveshje me ministrin Bushati për këtë çështje", tha dje Meta, sa i përket pakti detar me Greqinë. "Por natyrisht, ia kam bërë të qartë se është shumë e rëndësishme që një marrëveshje e tillë duhet të ratifikohet në parlament në një moment kur Shqipëria të ketë një Gjykatë Kushtetuese funksionale", u shpreh ai.
të dorëzohet pranë Presidentit të Republikës. Ekipi i ekspertëve do të bëjë vlerësimin përfundim mbi përputhshmërinë e asaj që do të jetë arritur me mandatin që ka lëshuar Presidenti i Republikës për këtë çështje. Prandaj - shtoi Bushati - pikëpamje të ndryshme kanë liri të plotë institucionale për t'i trajtuar vetëm në mënyrë institucionale dhe në asnjë moment në kanale të tjera informative. "Më habit që Presidenti i Republikës në këtë pikë ka ndryshuar qëndrim, por në fund të ditës kush jam unë të gjykoj të parin e shtetit, unë jam thjesht një ministër", tha Bushati. I pyetur në lidhje me reformën zgjedhore, Bushati u shpreh se kjo çështje është në limitet kohore dhe mazhoranca kërkon një orë e më parë të miratojë paketën e akteve që reflekton një më një të gjitha rekomandimet e OSBE- ODIHR për t'i dhënë mundësi zbatimit të saj në zgjedhjet e ardhshme vendore. Ministrja Federale për Evropën e Austrisë, Karin Kneissl shprehu mbështetjen për Shqipërinë në rrugën drejt BE- së. Ajo kërkoi nga shteti shqiptar të përmbushë kushtet e lëna nga Komisioni Europian. Në një konferencë të përbashkët për mediat me ministrin Bushati, Kneissl kujtoi që 2019ta është vit zgjedhor në BE dhe Shqipëri, andaj bëri thirrje që palët të jenë të bashkuara për çështje të rëndësishme kombëtare, siç është integrimi.