Universiteti "Luarasi" çel 3 mastera të rinj profesionalë me profil ekonomik
Programe studimi në Marketing dhe Reklamë, Financë dhe Menaxhim Risku e Kontabilitet Mateo Spaho: Nxitoni të regjistroheni, kuotat të limituara
Universiteti "Luarasi" po i afrohet çdo ditë e më shumë nevojave të tregut duke përgatitur profesionistë në programet më të kërkuara aktualisht. Për t'u gjendur sa më pranë studentëve, institucioni elitar i arsimit të lartë ka çelur 3 mastera profesionalë në Fakultetin Ekonomik për vitin e ri akademik 20182019. Dekani i Ekonomikut pranë "Luarasi"- t, Mateo Spaho tregon se tre degët e reja në ciklin e dytë të studimeve janë Marketing dhe Reklamë; Financë dhe Menaxhim Risku si dhe Kontabilitet. "Natyrisht kemi masterat e rinj që kemi hapur këtë vit në Marketing dhe Reklamë për të gjithë ata që kanë dëshirë të specializohen në fushën e marketingut, në fushën e reklamizimit. Kemi dhe lidhje me mediat që janë pjesë e "Hysenbelliu Group" ku studentët mund të bëjnë praktikën e të mësojnë konkretisht se çdo të thotë të jesh një marketues i mirë, se si mund ta hartosh reklamizimin. Kemi edhe një master tjetër shumë shumë interesant, në Financë dhe Menaxhim risku, i cili erdhi si nevojë pasi sot financa po bëhet gjithmonë e më e komplikuar, më e përbërë, por edhe më interesante nga pikëpamja e të ardhurave që individët mundet të marrin. Kemi nevojë për aktuarë, i cili është personi që përllogarit nga pikëpamja financiare shifrat, rezultatet dhe bën matjen e riskut që një biznes merr përsipër kur kryen një akt, një investim apo kur bën ndryshimet brenda strukturës së vet",- thotë Spaho. Më tej ky i fundit tregon se pse lindi si nevojë krijimi i një dege të re master profesional në fushën e kontabilitetit. "Kemi një tjetër master të ri profesional, atë të Kontabilitetit. Për të gjithë ata që duan të bëhen kontabilistë të miratuar ky është masteri perfekt, sepse ka të gjitha kontabilitetet brenda dhe merr në një vit, pra në 60 kredite të gjitha informacionet dhe përgatitjen e domosdoshme për të qenë një profesionist i mirë në këtë fushë. Shqipëria ka më shumë se 120 mijë biznese dhe të gjitha këto biznese kanë nevojë për kontabilistin dhe vlen të theksoj se një ko0ntabilist mund të mbajë me dhjetëra e dhjetëra biznese, duke marrë fije nga gjithsecili. Pra, ne ndërthurim atë që është shtylla kryesore për sa i përket masterit të ekonomikut me gjithë masterat e rinj profesionalë 1- vjeçarë që kanë objektiv parësor gjendjen e vendit të punës dhe lidhjen me tregun. Jemi në avangard në këtë sens, sepse master në kontabiliteti ka shumë pak në Shqipëri, në një kohë që tregu ka absolutisht shumë nevojë",- thekson dekani Spaho.
MASTERAT SHKENCORË
Fakulteti Ekonomik në universitetin "Luarasi" ofron për studentët edhe dy mastera shkencorë shumë të rëndësishëm; përkatësisht për Banka dhe Tregje Financiare dhe Menaxhim Ekzekutiv. "Në universitetin "Luarasi" ka dy mastera shkencorë mjaft të rëndësishëm. I pari është Menaxhimi Ekzekutiv për të gjithë ata që duan të jenë menaxherë të kompanive dhe të kenë role drejtuese. Ndërsa masteri tjetër në fakultetin ekonomik pranë KU Luarasi është Banka dhe Tregje Financiare për të gjithë ata që kanë një drejtim më matematikor, që janë të drejtuar drejt fushave të bankës, të kompanive të sigurimeve dhe financës në përgjithësi apo edhe për ata që orientohen si financierë ndërmarrjesh",- bën me dije dekani. Gjithashtu, Mateo Spaho thekson se edhe masteri pro- fesional Menaxhimi i Sigurimeve, i çelur një vit më parë ka rezultuar i suksesshëm. "Në universitetin "Luarasi" ofrohet edhe masteri për Menaxhimin e Sigurimeve, i cili vitin e kaluar ka patur shumë sukses pasi të gjitha kompanitë e sigurimeve kërkojnë të kenë personel të kualifikuar në përllogaritjen e të gjitha kontratave të sigurimit në llogaritjen e të gjitha çështjeve apo problematikave. Natyrisht që nuk po flasim veç për shitës, por edhe për hartues të programeve dhe të kontratave",thotë Spaho. Dekani i bën thirrje të interesuarve që të nxitojnë të regjistrohen pranë sekretarisë së Luarasit pasi kuotat e vëna në dispozicion janë të limituara përkundrejt numrit të lartë të kërkesave. "Ftojmë të gjithë studentët që janë të interesuar të trokasin te dera e universitetit "Luarasi", sepse fatkeqësisht kuotat janë të limituara dhe nuk kemi gjithë këtë hapësirë.
"Ftojmë të gjithë studentët që janë të interesuar të trokasin te dera e Universitetit "Luarasi", sepse fatkeqësisht kuotat janë të limituara dhe nuk kemi gjithë këtë hapësirë. Janë raste dhe mundësi shumë të mira për gjithsecilin që të ketë një të ardhme të sigurt, një të ardhme profesionalisht të kënaqshme", - thekson dekani.
Janë raste dhe mundësi shumë të mira për gjithsecilin që të ketë një të ardhme të sigurt, një të ardhme profesionalisht të kënaqshme",- thekson dekani.
Fakulteti Ekonomik pranë universitetit "Luarasi" vazhdon të bashkojë traditën e ekonomisë me elementët më të rinj, me risitë për të cilën ka nevojë tregu i ekonomisë dhe tregu shqiptar. Mësimdhënia e shkëlqyer dhe standardet bashkëkohore në këtë institucion elitar përgatisin profesionistë për të ardhmen.