Skënderbeu tregon "dhëmbët", thyen Kukësin
Skënderbeu i dyti, dy pikë më pak se Partizani, Kukësi mbetet në vendin e tretë me 13 pikë Goli i Nazmi Gripshit vulosi rezultatin 1- 0
Skënderbeu i vendit të dytë dhe 3 më pak se Partizani i vendit të parë.
TRAJNERI SHEHI
Trajneri i Skënderbeut, Orges Shehi nuk u pa shumë i kënaqur për paraqitjen e skuadrës së tij, por rezultati e kënaq trajnerin e ri dhe tashmë skuadra e tij është ngjitur në vendin e dytë. Për mikrofonat e "Supersport", Shehi tha: "Sigurisht që është një fitore me vlera, vjen në një moment jo të mirë për rezultatet, se me lojërat kemi qenë të kënaqur. Fitore që të mbush me besim e të bën optimist.
Kemi qenë shumë mirë, sidomos në fazën mbrojtëse nuk i kemi lënë asnjë mundësi kundërshtarit, përveç disa minutave që u tërhoqëm pak më shumë se sa duhej. Pe- nalltia? Nuk flas për gjyqtarët, e kam thënë që në fillim. Sigurisht në çdo ndeshje e studiojmë rivalin dhe shohim ku kanë pikat e dobëta dhe të forta. Jo më kot bëmë shumë ndryshime, edhe Bregu filloi ndeshjen në krahun tjetër. Çdo kundërshtar e studiojmë për t'u mbrojtur e sulmuar. Ishte një moment që u tërhoqëm më shumë se sa duhet, ndoshta edhe për çështje fizike se sulmuam shumë. Nuk duhej të tërhiqeshim ashtu, nuk ishte strategji, vetë loja të çon në ato situata. Po na vinin probleme në krahun e majtë, ndaj nxorëm Bregun. Sa u përket objektivave, do i mëshoj fort asaj që kam thënë, është vetëm ndeshja e radhës. Kampionati është maratonë e gjatë, janë shumë skuadra, me të gjitha mund të lësh pikë. Nuk janë vetëm Partizani e Kukësi, janë edhe skuadra të tjera shumë pranë.