Komisioneri i BE: Rikthim vizash, nëse emigracioni rritet mbi 50%
Presidenti Meta pret Avramopulosin: Çështjet e shtetit ligjor, prioritet për Shqipërinë "Për momentin nuk ka problem, por po monitorojmë"
Komisioneri i Bash kimit Europian për Migrim, Dimitris Avramopoulos bëri të qartë dje në Tiranë se mund të kthehet regjimi i vizave, nëse emigracioni rritet mbi 50 për qind. I pyetur nga gazetarët gjatë pranisë së tij në Tiranë për Ministerialin e Çështjeve të Brendshme dhe Drejtësisë, Avramopoulos tha se BE po monitorin situatën, ndërsa duhet të ulet rreziku për emigracionin e paligjshëm, pasi ekziston mundësia për rikthimin e vizave, nëse emigracioni është mbi 50% dhe ka një refuzim për t'u rikthyer në vendlindje. "Sa i përket luftës së përbashkët kundër drogës, dua të them se Shqipëria ka marrë përgjegjësitë e veta për të shkatërruar këto banda dhe ne po bashkëpunojmë. Lidhur me pezullimin e vizave, mund t'ju them se ne po monitorojmë situatën për të gjitha vendet, jo vetëm për Shqipërinë. Duhet të ulet rreziku për emigracionin e paligjshëm", tha Avramopulos. Sipas tij, "mekanizmi i pezullimit të vizave nuk është vënë në lojë, por nëse ka një rritje të emigracionit me mbi 50% të emigracionit të paligjshëm dhe ka refuzim të menaxhimin e migracionit, sigurimin më të mirë të kufijve dhe luftën kundër krimit të organizuar është jo vetëm i mirëpritur, por edhe i domosdoshëm kundrejt sfidave të mëdha me të cilat përballemi", - u shpreh Presidenti Meta. Duke folur për synimin që vendi të çelë negociatat e anëtarësimit vitin e ardhshëm, kreu i shtetit konsideroi përparësore rezultatet konkrete në përmbushjen e reformave kyçe. "Çështjet e shtetit ligjor dhe të së drejtës mbizotërojnë jo vetëm agjendën europiane të Shqipërisë, por edhe aktualitetin në vend", - theksoi Presidenti Meta. Z. Meta vlerësoi zhvillimin në Tiranë të Ministerialit për Çështjet e Brendshme dhe Drejtësinë ndërmjet Bashkimit Europian dhe Ballkanit Perëndimor, si një tjetër dritare mundësie që nxit frymën e bashkëpunimit rajonal dhe europian. Presidenti falënderoi komisionerin Avramopoulos edhe për raportin pozitiv të Komisionit Europian që rekomandoi liberalizimin e vizave me Kosovën, qytetarët e së cilës meritojnë ta gëzojnë plotësisht sa më parë këtë të drejtë.