Shkarkohet gjyqtari i Gjykatës Administrative Shkodër, KPK: Nuk justifikon pasurinë
"Ahmet Jangulli, i paaftë edhe profesionalisht"
TIRANË - Komisioni i Pavarur i Kualifikimit ka shkarkuar gjyqtarin e Gjykatës Administrative të Shkodrës, Ahmet Jangulli, i cili ishte edhe anëtar i Këshillit të Emërimeve në Drejtësi. Jangulli u përball të mërkurën me një bilanc negativ të hetimit administrativ për të tria kriteret e rivlerësimit, ndërkohë që KPK ngriti dyshime për mosjustifikim të pasurisë, favorizim të një pale në proces, zvarritje të përsëritura të gjykimit dhe në disa raste, mungesë të etikës. Pasuritë e tij janë: tokë bujqësore 2200 metra katrore në Bulqizë; një apartament 67 metra katrorë në Bulqizë; një "Benz"; 1.2 mln lekë llogari bankare dhe huadhënie personave të tretë. KPK i ka kërkuar Jangullit shpjegime për shkëmbimin e makinës që ka, me atë që ka pasur më herët. Bëhet fjalë për dy automjete "Benz". Sipas KPK, gjyqtari në fjalë s'ka pasur burime financiare për të blere automjetin "Benz" në 2005- ën. Lidhur me huadhëniet me shumën 12 mln lekë nga hetimi ka rezultu- ar se nuk është deklaruar pasuria ndër vite. Gjithashtu, është provuar se s'ka pasur të ardhura të mjaftueshme për të kursyer shumat që ka dhënë hua. Gjyq- tari Jangulli i kundërshtoi raportet e institucioneve ndihmëse dhe hetimin e thelluar të KPK- së me një raport alternativ të të ardhurave dhe shpenzimeve. Ai u mbrojt me argumentin se i kishte sqaruar problemet në dy hetime të mëparshme të Inspektoratit të Lartë të Deklarimit dhe Kontrollit të Pasurive si dhe shigjetoi Inspektoratin e Këshillit të Lartë të Drejtësisë për mosvënie në dijeni ndaj ankesave që kishte marrë për të. Ahmet Jangulli mbrojti idenë se të ardhurat e tij dhe të bashkëshortes, me profesion notere janë të ligjshme, edhe pasi u vendos përballë dy deklaratave të ndryshme të të njëjtit vit të paraqitura në Drejtorinë e Tatimeve të Dibrës dhe kërkoi konfirmimin në detyrë.