Balla, Bashës: Kthehu në Shqipëri, javën tjetër do përballesh me gjykatën

Kryetari

i grupit parlamentar të PS- së, Taulant Balla ka mohuar dje të ketë qenë në komisariatin e FushëKrujës, duke i kujtuar kreut të PD- së të bëhet gati javën tjetër të përballet në gjykatë. "Jozefina Topalli do mbahet mend gjatë kur thoshte se Lulin me e pyt edhe sa është ora ai veç t'rren. ' Babale 2' e kam njoftuar unë i pari në emisionin ' Top Show' më 25 shtator. Dhe më pas, më 26 shtator në mëngjes kam bërë një takim me gazetarë dhe kam njoftuar më pas konferencën për shtyp, për të denoncuar përfshirjen e turpshme të Lulzim Bashës në këtë inskenim idiotesk. Edhe deputetët e tu e dinë Lulzim që ti po gënjen. Nuk kam qenë në Fushë- Krujë, o Lul! Javën tjetër bëhu gati të vish në gjykatë si përfaqësuesi me i lartë dhe më i aftë për të gënjyer i një kokrre gënjeshtari si Nuhu yt o Nuli i këtij vendi!", u shpreh dje Balla në "Facebook". Në një tjetër status, Balla duke iu drejtuar Bashës tha: "Ku je Lul Nuli?! Ke një javë që je larguar nga Shqipëria. Nuk rri ' lideri' i opozitës një javë në Angli apo në Edinburg. Sepse në Edinburg është selia e Biniata Trade, prej ku pagove 675 mijë dollarë për të nxirë Shqipërinë. Përpara se të flasësh për PPP- të, fol për partneritetin tënd me babalet. Fol për partneritetin tënd me kunatin dhe ' gjobënë 11 miliardë lekë që u ke marrë sipërmarrësve si shantazh. Fol për partneritetin me paratë ruse. Mos fol ti për ekonominë shqiptare. Foli Tregu Financiar dhe Banka Botërore këtë javë për ekonominë e shqiptarëve. Sepse ti interesohesh vetëm për ekonominë e kunatit. Ti interesohesh vetëm për disa mjeranë të paguar për t'u përgjuar dhe për autorët e tu dhe pagatorët e tu të babaeleve që ti vetë i nis në azil. Kthehu Lulzim në Shqipëri, sepse ke punë në gjykata dhe prokurori javën e ardhshme", u shpreh Balla.