Bojkoti në zgjedhje, Fleckenstein: Më ka ardhur në majë të hundës, ide e keqe
Raportuesi për Shqipërinë në PE: Vetingu në politikë, ide interesante "Pres të takoj Bashën gjatë vizitës në nëntor"
Raportuesi për Sh qipërinë në Parla mentin Europian, Knut Fleckenstein, bëri të ditur se do të zhvillojë një takim me kreun e opozitës, Lulzim Basha, për t'u njohur me propozimin e opozitës për vetingun në politikë. Raportuesi Fleckenstein e cilëson një nismë interesante, atë të opozitës. "Unë nuk mund t'i ndjek realisht ata kur flasin për vonesa të mëdha, apo probleme në procesin e vetingut, pasi ka gjithnjë diçka që do shtyhet, apo diçka që nuk shkon kur vihet në zbatim. Sa i përket vetingut të politikanëve, kjo është diçka që nuk e kam dëgjuar kurrë më parë dhe mendoj se është një ide interesante, ndaj dhe unë po pres me padurim për vizitën e radhës në Shqipëri, në nëntor, për të pyetur vetë zotin Basha se çfarë fshihet aty e se cili është këndvështrimi i tij mbi këtë problem. Mbase do të mund të mësoj diçka", u shpreh për Radio Televizion Shqiptar, raportuesi i PEsë. Teksa pyetet për përmbushjen e rekomandimeve të OSBE- së në përmirësimin e Kodit Zgjedhor, Fleckenstein i fton partitë politike të bashkëpunojnë në realizimin e saj. "Unë kam biseduar para pak muajsh me të dy krerët e Komisionit Ad- Hoc, të cilët po draftojnë ligjin e ri elektoral dhe të dy përfaqësuesit, socialist e demokrat, më dhanë përshtypjen se po përpiqen fort për të gjetur mënyrën e duhur e një zgjedhje të mirë. Unë vetëm mund të shpresoj se OSBE gjithashtu do të ketë të njëjtin mendim për produktin e tyre në fund. Sigurisht, të gjitha partitë politike duhet të marrin pjesë dhe duhet ta provojnë shansin e tyre", tha raportuesi për Shqipërinë. I pyetur nga gazetarja se çfarë ndodh në rast se opozita vendos të mos marrë pjesë në zgjedhje, Fleckenstein u shpreh: "Oh jo, prapë me këtë lloj diskutimi. Më ka ardhur pak në majë të hundës me këto ' nuk shkoj në punë', ' nuk marr pjesë në zgjedhje'. Kushdo që i ka këto ide, është ide e keqe. Nuk ka rëndësi, nëse është rasti për socialistët maqedonas, siç ishte pak kohë më parë, apo opozita këtej ( Tiranë). Por unë nuk kam dëgjuar ende prej tyre se nuk do të marrin pjesë", theksoi raportuesi për Shqipërinë. Raporteri Fleckenstein ndan besimin se Shqipëria do ta marrë hapjen e negociatave në qershorin e vitit të ardhshëm, por kërkon më shumë përparim përsa i përket luftës së kundër krimit të organizuar, korrupsionit si dhe në fushën e së drejtës së pronës. Një ditë më parë, Partia Socialiste publikoi propozimet e saj, sa i përket reformës zgjedhore, edhe pse e ka të qartë se nuk i ka votat e opozitës për t'i kaluar ato në Kuvend. Depolitizimi i administratës zgjedhore është risia kryesore e propozimeve të PS- së për ndryshimin e Kodit Zgjedhor. Në propozimet e PS- së bie në sy përzgjedhja me short dhe jo më nga partitë politike e anëtarëve të 3 strukturave: të KZAZ- së, të Komisionit të Qendrës së Votimit dhe anëtarëve të Grupeve të Numërimit të Votave. "Më ka ardhur pak në majë të hundës me këto ' nuk shkoj në punë', ' nuk marr pjesë në zgjedhje'. Kushdo që i ka këto ide, është ide e keqe. Nuk ka rëndësi nëse është rasti për socialistët maqedonas, siç ishte pak kohë më parë, apo opozita këtej ( Tiranë). Por unë nuk e kam dëgjuar ende prej tyre se nuk do të marrin pjesë", theksoi raportuesi për Shqipërinë. Ndërkohë, edhe ambasadori i OSBE- së në Shqipëri, Bernd Borchardt tha se mbetet shumë pak kohë për realizimin e reformës zgjedhore dhe se do të ishte sinjal shumë negativ për miqtë dhe partnerët e Shqipërisë nëse dakordësia që ka ekzistuar deri kohët e fundit mes palëve, të mos konkretizohej në legjislacion. Ai nxiti arritjen e konsensusit për reformën zgjedhore.