Marrëveshja me Greqinë, Stoltenberg: S'ka plan B për Maqedoninë
Sekretari i Përgjithshëm i Aleancës: Të gatshëm ta pranojmë si anëtare në NATO "Duhet të shfrytëzojnë këtë moment historik"
Sekretari i Përgjithshëm i NATO- s Jens Stolten berg tha se nuk ka plan B për Maqedoninë, sepse vendi tani ka mundësinë që ndodh njëherë në jetë dhe se mund të bëhet anëtare e NATO- s vetëm nëse e pranon marrëveshjen me Greqinë. "Besoj fuqishëm se ajo të cilën duhet ta bëjë vendi tani është që të sjellë vendime për hapat e mëtutjeshëm. Qeveria dhe Kuvendi duhet t'i sjellin këto vendime. Të vendosin, se si do të shkojnë përpara, si të reagojnë për referendumin dhe të gjitha pasojat dhe implikimet politike të cilat i solli ai", deklaroi Stoltenberg, i cili sot është për vizitë në Serbi. Sekretari i përgjithshëm i NATO- s theksoi se nëse institucionet demokratike në Shkup vendosin që ta zbatojnë në tërësi marrëveshjen me Greqinë, atëherë NATO- ja është e gatshme që shpejt ta pranojë Maqedoninë si anëtaren e saj të 30- të. "Mundet që shpejt të fillojmë me nënshkrimin e protokollit për anëtarësim, shumë shpejt pas ndryshimit të emrit. U mbetet institucioneve të zgjedhura demokratike në Maqedoni se a do ta pranojnë dhe do ta zbatojnë marrëveshjen për emrin. Ne jemi të gatshëm që ta pranojmë Maqedoninë si anëtare të re", theksoi Stoltenberg. Përsëriti se nuk ekziston plan B ose alternativë tjetër për anëtarësimin e Maqedonisë përveç zbatimit të marrëveshjes me Greqinë. "Nuk ka anëtarësim pa marrëveshjen për emrin. Mënyra e vetme për anëtarësim është që vendi të merret vesh me Greqinë rreth kontestit për emrin. Për këtë ne e përshëndesim marrëveshjen ndërmjet dy vendeve"- deklaroi Stoltenberg. Sekretari i përgjithshëm i NATO- s thotë se Aleanca nuk do t'i bëjë presion Maqedonisë që të sjellë vendime, sepse bëhet fjalë për vendime sovrane të një vendi sovran. "Por kjo është mundësi që ndodh një herë në jetë. E kanë mundësinë dhe duhet ta shfrytëzojnë këtë moment historik", porositi Stoltenberg. Ndërsa para disa ditësh, partia Bashkimi Demokratik për Integrim në mbledhjen e mbajtur ka shqyrtuar gjendjen aktuale të krijuar pas realizimit të referendumit konsultativ për hyrje të Republikës së Maqedonisë në BE dhe NATO me pranim të Marrëveshjes së Prespës. Partia e Ali Ahmetit ka vlerësuar se për momentin prioritet i vendit mbetet implementimi i Marrëveshjes së Prespës, ndërsa sa u përket zgjedhjeve të parakohshme, vlerëson se për momentin nuk është koha për zgjedhje, sepse sipas BDI- së mund të "rrënohet" dinamika e implementimit të Marrëveshjes së Prespës, e cila mund të sjellë një situatë bllokuese të proceseve të vendit në strukturat euro- atlantike. Gjithashtu, edhe zëdhënësi i qeverisë greke, Dimitris Canakopulos tha se kryeministri Zoran Zaev ka fuqi politike dhe shumë opsione për t'i zbatuar ndryshimet kushtetuese, por pa zbuluar se çfarë opsionesh nënkuptonte. Canakopulos ka shtuar se Athina po ndjek me vëmendje të posaçme periudhën kohore të zbatimit të obligimeve nga ana e Shkupit, më pas çka Marrëveshja e Prespës do të duhet të ratifikohet në Kuvendin e Athinës. Deputeti i Syrizas, Kostas Duzinas ka theksuar se referendumi i mbajtur në IRJM nuk ka qenë i parashikuar me Marrëveshjen e Prespës, por ndryshimet kushtetuese me çka do të tejkalohen papërgjegjshmëritë e mbetura. Duzinas ndër tjerash akuzoi "Demokracinë e Re" opozitare se kundërshton marrëveshjen, për shkak se sipas tij nuk dëshiron zgjidhje të problemit të emrit dhe nuk i intereson interesi kombëtar. Ndërkohë Zv/ Ministrja e Rendit Publik dhe Mbrojtjes së qytetarëve, Katerina Papakosta tha se do ta mbështesë marrëveshjen nëse kjo është në interes kombëtar. Papakosta, e cila paraprakisht ishte anëtare e "Demokracisë së Re" mohoi se është bërë pjesë e qeverisë vetëm që të votojë "pro" marrëveshjes. Kështu që mbetet të shihet vendimi që do të merret në Kuvend lidhur me marrëveshjen e Prespës dhe anëtarësimit të Maqedonisë në NATO. Deputeti i Syrizas, Kostas Duzinas ka theksuar se referendumi i mbajtur në IRJM nuk ka qenë i parashikuar me Marrëveshjen e Prespës, por ndryshimet kushtetuese me çka do të tejkalohen papërgjegjshmëritë e mbetura. Duzinas ndër të tjera akuzoi "Demokracinë e Re" opozitare se kundërshton marrëveshjen, për shkak se sipas tij, nuk dëshiron zgjidhje të problemit të emrit dhe nuk i intereson interesi kombëtar.