Ramush Haradinaj shuan zërat: Pas dy muajve hiqen vizat, do mund të lëvizni të lirë
Kryeministri kosovar: Ideja për shkëmbim territoresh ka ' vdekur'
Kryeministri
i Kosovës, Ramush Haradinaj ka dhënë një afat rekord për liberalizimin e vizave, në replikë të zërave që thonë se vizat nuk liberalizohen para vitit 2020. Haradinaj ka reaguar ashpër ndaj atyre që thonë se vizat nuk liberalizohen deri në fillim të vitit 2020 ndërsa theksoi se vizat do të hiqen brenda këtyre muajve. Pasi takoi shkrimtaren Helena Kadare, kryeministri i Kosovës tha se deri në fund të këtij viti kosovarët do të mund të lëvizin pa viza. Komisioni Evropian ka dhënë rekomandim pozitiv për liberalizmin e vizave për Kosovën. Ndërsa, gjatë muajit shtator Parlamenti Evropian ka votuar pro lirisë së lëvizjes së qytetarëve të Kosovës. Në dhjetor të këtij viti pritet që Këshilli i Ministrave të japë vlerësimin mbi liberalizimin e vizave. Ndërkaq kryeministri i Kosovës, ka deklaruar së ideja për shkëmbim apo ndarje të territoreve mes Kosovës dhe Serbisë ka vdekur, ndërsa ka kërkuar që rezoluta e propozuar nga partitë opozitare të votohet në Kuvend. Këto komente Haradinaj i bëri pas ceremonisë së dekorimit me Hartën e Artë të Kosovës për shkrimtaren Helena Kadare, të cilës i shprehu falënderime për kontributin e dhënë për letërsinë dhe njohjen e shqiptarëve në botë. Sipas tij kjo rezolutë i detyron të gjithë, përfshirë edhe presidentin. "Rezoluta është një qëllim tani që na detyron të gjithëve, besoj edhe presidentin e vendit, pra nëse kjo rezolutë do të aprovohej në parlament shihet qartë në bazë të rezolutës së kujt i besohen të drejtat dhe për çfarë",tha ai.