"Babalja 1", Basha: Po manipulohen hetimet, përballja me drejtësinë
Konspiracion për rrëzimin e qeverisë? Kreu i PD i përgjigjet Ramës: Metodë enveriste "Krimi në Bllok, Tahiri ishte në Gjermani me Matën"
Kreu i PD- së, Lulzim Basha, në përgjigje të kryeministrit Rama deklaroi me bindje të plotë se në audiopërgjimin ku akuzohet vëllai i ministrit të Brendshëm është zëri i Agron Xhafajt. Sipas tij, videoja me të cilën PD akuzon Agron Xhafajn si i përfshirë në trafik droge është e pamanipuluar. Por, Lulzim Basha garantoi se: "Aktori i vetakuzuar dhe vetofruar është një lojë banale dhe e trashë e krerëve të policisë dhe prokurorëve nën udhëzimin e Fatmir Xhafajt. Kjo është një vepër e rëndë penale, do të përballen me drejtësinë. Unë po pres të shoh sa shumë do të zhyten në këtë histori Rama, policia dhe prokuroria. Presim të shikojmë ekspertizën italiane, apo refuzimin e Italisë. Pres konkluzionet për hetimin e pasurisë së Agron Xhafajt. Po pres që prokuroria të marrë në pyetje Ramën dhe Xhafajn". Në një bashkëbisedim me gazetarët, Basha akuzoi dje Prokurorinë e Krimeve të Rënda se po manipulon hetimet. "Videoja është e pamanipuluar. Zëri është i Agron Xhafajt. Agron Xhafaj ka qenë i përfshirë në trafikun e drogës, ka qenë një nga kokat kryesore të trafikut të drogës. Sado që të manipulojnë hetimet, nuk do ia dalin dot. Prokuroria ka çuar një kopje të videos, të marrë nga media dhe jo videon origjinale. Ky është një veprim i qëllimshëm i prokurorisë, që ekspertiza ta kishte të vështirë të identifikonte. Kampionët e Agron Xhafajt janë marrë jashtë çdo rregulloreje dhe kanë qenë shumë të dobëta qëllimisht që të mos dallohej. Ekspertiza angleze nuk përjashton që ai është zëri i Agron Xhafaj. Agron Xhafaj nuk është marrë në pyetje. Prokuroria ka bërë hetim pa marrë në pyetje Agron Xhafajn", theksoi kreu i PD- së.
AKUZA
Prokuroria e Krimeve të Rënda u vu nën akuzë nga Basha se është kthyer në celulë të krimit dhe bandave, duke shkatërruar çdo provë që sipas tij implikon zyrtarë të lartë të PS të lidhur me eksponentë të krimit e bandave. Audiopërgjimi në të cilin opozita pretendon se është i përfshirë në pazare droge vëllai i ministrit të Brendshëm, Agron Xhafaj, sipas Bashës është edhe prova e fundit e vënies së organit të akuzës në shërbim të krimit. Ndaj, edhe deklaratën e kryeministrit se "Babalja" është konspiracion për të rrëzuar qeverinë e sheh si teatër me regjisor Edi Ramën. "Tani në këtë moment ku është, e vetmja që kontrollon Edi Rama është godina e Kryeministrisë, ka humbur çdo kontroll mbi territorin, mbi qeverisjen, ka "Ekspertiza private angleze, analiza e dytë, sepse e çuan njëherë në laborator në Romë dhe nuk e mor vesh se çfarë u tha laboratori Romës, pra ekspertiza angleze nuk përjashton mundësinë që mund të jetë zëri i Agron Xhafajt. Përkundrazi, zëri në video dhe zëri i marrë në laborator, të çuara kastile me cilësi të dobët janë të afërt dhe mund të jetë zëri i Xhafajt", - tha z. Basha.