Negociatat pas vetingut, KE: Bindemi, nëse bëni reformën në drejtësi
Negociatat, Meta: Dialog për 5 prioritetet. Bushati: Me rëndësi, procesi i "screening" Danielsson: Luftoni krimin dhe korrupsionin
Shqipërisë i duhen rezu ltate konkrete në pro cesin e vetingut si dhe në betejën kundër korrupsionit dhe krimit të organizuar për të bindur vendet skeptike në dhënien e votës pro hapjes së negociatave të integrimit të Shqipërisë. Drejtori i Zgjerimit në KE, Danielsson i kujton politikës shqiptare se dera është e hapur, por për këtë duhen hapa të qartë. Për ministrin Bushati, rëndësi të madhe ka procesi i "screening". Ndërsa presidenti Meta kërkon dialog për realizimin e reformave. Vendet e Bashkimit Evropian do të japin votën pro Shqipërisë në qershor nëse do të realizohet reforma në drejtësi dhe do të ketë rezultate konkrete në luftën ndaj korrupsionit. Gjatë seminarit për impaktin e negociatave në administratë, drejtori i Përgjithshëm për Zgjerimin në Komisionin Evropian, Christian Danielsson, i kujtoi politikës shqiptare se dera e BE është e hapur, por vetëm në këtë mënyrë do të binden vendet skeptike. "Mund t'i bindni vendet skeptike të Unionit duke vijuar me procesin e vetingut si dhe duke dhënë rezultate konkrete kundër korrupsionit dhe krimit të organizuar", theksoi z. Christian Danielsson. Drejtori i Përgjithshëm në Komisionin Evropian, Christian Danielsson, në fjalën e tij tha se ka ardhur koha që Shqipëria të ndërmarrë vendime strategjike, të cilat do të kenë ndikim në gatishmërinë e saj për negociatat e ardhshme. Sipas tij, është shumë e rëndësishme gjithashtu që Shqipëria, në fazën parapërgatitore të marrë parasysh jo vetëm rezultatet e diskutimeve që janë zhvilluar deri tani me komisionin, por edhe përvojat e vendeve që e kanë kaluar më parë këtë proces duke u fuqizuar më shumë për fazën pasardhëse. Ministri i Jashtëm shqiptar shprehu besimin se procesi i "screening" është mundësia e vetme për të bindur vendet e Unionit. "Krahas përgatitjes për këtë proces, angazhimet ne duhet të fillojmë t'i përkthejmë që tani në ligje dhe duhen politika konkrete dhe forcim burimesh njerëzore për të mos pritur afatin e fundit. Kurrë nuk ke një shans të dytë për të lënë përshtypjen e parë", - theksoi z. Bushati. Më herët zyrtari i KE- së zhvilloi edhe një takim me kreun e shtetit, Ilir Meta, i cili u bëri thirrje të gjitha palëve që të angazhohen me dialog për të zbatuar reformat që i hapin rrugën Shqipërisë në BE. Presidenti Meta theksoi domosdoshmërinë e zbatimit pa vonesë të 5 prioriteteve kyçe, të cilat kushtëzojnë
vendimin e ardhshëm për çeljen e negociatave të anëtarësimit me Bashkimin Evropian. Duke ndarë vlerësimin e shprehur edhe në projektrezolutën e miratuar dje në Komisionin e Jashtëm të Parlamentit Evropian, kreu i shtetit vuri në dukje se nevojiten përpjekje të
shumëfishuara dhe trajtim përparësor i sfidave madhore, të cilat kanë ndikim të drejtpërdrejtë edhe në ekonominë e vendit. Kreu i shtetit bëri thirrje që të gjitha palët, sipas përgjegjësive institucionale që mbajnë, të angazhohen në një dialog të institucionalizuar dhe Drejtori i Përgjithshëm në KE, Christian Danielsson, tha se ka ardhur koha që Shqipëria të ndërmarrë vendime strategjike, të cilat do të kenë ndikim në gatishmërinë e saj për negociatat e ardhshme. "Mund t'i bindni vendet skeptike të Unionit duke vijuar me procesin e vetingut si dhe duke dhënë rezultate konkrete kundër korrupsionit dhe krimit të organizuar", theksoi z. Danielsson.
strukturuar për t'u dhënë zgjidhje çështjeve tashmë emergjente që lidhen me shtetin ligjor dhe të së drejtës. Z. Danielsson u prit edhe nga kryetarja e LSI- së, Monika Kryemadhi, ku në qendër të diskutimeve ishte integrimi i vendit dhe angazhimi i opozitës në këtë proces.