PE, Fleckenstein: Të funksionojë Gjykata e Lartë dhe Kushtetuesja

"Raporti, sinjal i rëndësishëm për Shqipërinë"

Raportuesi

për Shqipërinë, Knut Fleckenstein për shëndeti dje miratimin e raportit në Komitetin e Jashtëm të PE- së. Ai shprehet se ky është një sinjal i rëndësishëm për shqiptarët që të vazhdojnë me reformat, në mënyrë që në qershor të hapen negociatat. "Raporti im i Shqipërisë u votua në komitetin e jashtëm të Parlamentit Evropian. Jam shumë i kënaqur që raporti u miratua nga një shumicë dërrmuese. Sinjal i rëndësishëm për partnerët tanë shqiptarë, këshillin dhe komisionin që të vazhdojnë reformat me sukses, të fillojnë negociatat 2019- ën", deklaroi z. Fleckenstein. Nëse 2 gjykatat më të rëndësishme në Shqipëri, ajo Kushtetuese dhe Gjykata e Lartë nuk funksionojnë, për komisionerin Knut Fleckenstein lufta kundër korrupsionit dhe krimit të organizuar nuk mund të kenë sukses. "Sepse nëse këto organe nuk funksionojnë, të gjitha objektivat e tjera do të jenë shumë më të vështira për t'u arritur. Unë do thosha sërish që diferencën do ta bëjë së pari zbatimi i reformës në drejtësi, pasi nëse ky sistem nuk funksionon normalisht, atëherë është e pamundur të arrihet sukses në luftën kundër korrupsionit dhe krimit të organizuar. Pra, ky është një kriter shumë i rëndësishëm, por nuk bëhet fjalë për përzgjedhje midis kritereve, pasi nuk do gjykojnë vetëm ministrat e Drejtësisë për përparimin e Shqipërisë, por edhe ata të Punëve të Brendshme". Raporti është fokusuar edhe tek ecuria që duhet të ketë Shqipëria në aspektin social dhe atë financiar.