Mbyllja e kazinove, nga 1 janari 9 mijë të papunë, Rama nxjerr vendimin
Kryeministri, thirrje medias: Hiqni reklamat e basteve, e paligjshme! Pezullohet Autoriteti i Mbikëqyrjes së Lojërave të Fatit
Qeveria publikoi dje ndryshimet në ligjin për lojërat e fatit, sipas të cilit nga 1 janari 2019 nuk do të ketë më pika bastesh apo kazino në qendrat e banuara. Në projektligjin e ri është vendosur gjithashtu që për bastet sportive dhe bastet për garat në pistë të ndërpritet dhënia e licencave të reja. Qeveria ka vendosur edhe pezullimin e përkohshëm të aktivitetit të Autoritetit Mbikëqyrës të Lojërave të Fatit deri në ristrukturimin e këtij institucioni, duke ia kaluar kompetencat përgjatë kësaj periudhe ministrit të Financave, Arben Ahmetaj. Sipas të dhënave zyrtare, aktualisht në të gjithë vendin numërohen rreth 4.500 pika bastesh. Në reagimin e tij dje, bashkë me publikimin e projektligjit që do t'i dërgohet Kuvendit, kryeministri Rama u shpreh se vendimi është përcjellë për miratim në parlament, ndërsa sipas tij, në 31 dhjetor do të mbyllen të gjitha qepenat. "Ligji për ndalimin e basteve e kazinove elektronike u nis në parlament. Në 31 dhjetor mbyllen përfundimisht të gjitha qepenat", shkroi dje Rama ndërsa ka postuar edhe projektligjin e miratuar nga Këshilli i Ministrave. Po ashtu, kryeministri u bëri thirrje të gjitha portaleve apo televizioneve që të hiqnin reklamat e basteve. "Bastet e kazinotë elektronike do të dalin jashtë ligjit në 31 dhjetor. Ama çdo reklamim i tyre në çdo lloj media është i jashtëligjshëm. Portalet që kanë ende reklama të tilla t'i heqin vetë se ndërkohë po punohet për mbylljen e tyre! Të mos kemi llafe për lirinë e shtypit pastaj", u shpreh dje kryeministri.
VENDIMI
Në mbështetje të nenit 100 të Kushtetutës, të ligjit nr. 9000, datë 30.1.2003, "Për organizimin dhe funksionimin e Këshillit të Ministrave" dhe të ligjit nr. 90/ 2012 "Për organizimin dhe funksionimin e administratës shtetërore", me propozimin të ministrit të Financave dhe Ekonomisë, Këshilli i Ministrave këtij procesi.
3. Ngarkohet ministri i Financave dhe Ekonomisë të përcaktojë aktivitetet konkrete që do të vijojë të kryejë AMLF- ja, për mbikëqyrjen e veprimtarisë së lojërave të fatit, gjatë periudhës së përkohshme të pezullimit.
4. Ngarkohen Ministria e Financave dhe Ekonomisë dhe Autoriteti i Mbikëqyrjes së Lojërave të Fatit për zbatimin e këtij vendimi.
Ky vendim hyn në fuqi menjëherë dhe botohet në Fletoren Zyrtare.
Në nenin 71 të dispozitave kalimtare të këtij ligji vendoset përcaktimi: Organizatorët e kategorive "Baste sportive" dhe "Baste për garat në pistë" do të ushtrojnë aktivitetin e tyre deri në datën 31 dhjetor 2018. Të gjitha aplikimet për pajisjen me licencë për kategoritë e sipërpërmendura, në proces shqyrtimi, ndërpriten".
PASOJAT E MBYLLJES
Sipas deklarimeve zyrtare në Tatime, vitin e kaluar industria e kumarit qarkulloi rreth 130 milionë euro, ku pjesën e "luanit" e kanë kazinotë. Sipas të dhënave zyrtare, vitin e kaluar shqiptarët luajtën 81 milionë euro në kazino dhe 45.5 milionë euro të tjera në baste sportive. Vendimi i qeverisë pritet t'i reduktojë ndjeshëm të dy këto aktivitete, por veçanërisht bastet, të cilat nga 1 janari do të lejohen vetëm "online". Në rrafshin ekonomik, kufizimi i kumarit ka dy pasoja kryesore. E para është rënia e të ardhurave në buxhet. Aktualisht, qeveria mbledh rreth 40 milionë euro në vit nga taksat e bixhozit. Pas 1 janarit, kjo shumë me gjasa do të jetë më e vogël, gjithsesi për buxhetin ky është një efekt i papërfillshëm. Pasoja e dytë është punësimi. Sipas të dhënave zyrtare, aktualisht në Shqipëri ka rreth 4.500 pika bastesh, të cilat sipas Kodit të Punës duhet të punësojnë minimalisht nga dy vetë. Pra, në total janë minimalisht 9.000 të punësuar, të cilët nga 1 janari do të dalin të papunë. Por, të dy këto efekte, si rënia e taksave, ashtu dhe punësimi, duken të papërfillshme përballë pasojave të rënda sociale që vijnë nga bixhozi dhe risqeve që ka kjo industri për pastrim parash dhe fuqizim të krimit, citon "TCH".