Shqipëria ngec me Jordaninë, Panuçi "luftë" me mediat
Kuqezinjtë dominojnë, por nuk shënojnë, shtylla i mohoi golin Uzunit në të 85'- ën Në "Elbasan Arena" mbyllet gjithçka 0- 0
drani sheh gardianin jordanez të bëjë një pritje fantastike në të 52'- ën. Veseli ka në këmbët e tij golin e avantazhit 12 minuta më pas, por fillimisht del huq, ndërsa më pas gjuan keq. Kuqezinjtë vijojnë të këmbëngulin, por nuk do të shkojnë më larg sesa shtylla e Uzunit në minutën e 85- të. 0- 0 do të mbyllet në "Elbasan Are- na", një barazim që lë shije të hidhur pak ditë nga ndeshja vendimtare me Izraelin.
Abazaj ndjek ndeshjen nga tribuna Kristal Abazaj nuk po kalon një moment të mirë në Belgjikë, pasi me skuadrën e Anderlehtit nuk po aktivizohet. Gjithsesi, sulmuesi 22vjeçar nuk është larg Kombëtares dhe ka qenë i grumbulluar me ekipin e Shpresave. Por Kristian Panuçi nuk e ka grumbulluar në ekipin e parë, duke bërë që ndeshjen kundër Jordanisë, sulmuesi i Anderlehtit ta ndjekë nga tribuna. Në "Elbasan Arena", Abazaj është fotografuar në tribunë për të ndjekur ndeshjen e Kombëtares në miqësoren kundër Jordanisë. Panuçi braktis "Supersport"- in Kristian Panuçi ka refuzuar të flasë për "Supersport" pas ndeshjes. Kjo ka sjellë menjëherë reagimin e gazetarëve dhe të panelit të platfomrës dixhitale që transmeton edhe ndeshjet e Kombëtares. Ilda Bejleri, e cila e priste me mikrofon në dorë trajnerin, e ka cilësuar arrogant dhe aspak korrekt trajnerin. Ndërkohë, ish- trajneri i Kombëtares, Astrit Hafizi, e ka cilësuar të pavend sjelljen e trajnerit të Kombëtares. "Të gjithëve nuk na pëlqen të flasim kur punët nuk janë mirë, ndërkohë që jemi të detyruar të respektojmë mediat dhe opinionin publik. Sjellja e trajnerit është e papranueshme. Ai e nënvlerëson shumë Shqipërinë dhe teksa u kërkon lojtarëve të jenë profesionistë, për vete jep shembullin e kundërt. Tërësisht e papranueshme kjo sjellje. Nuk e kam parë në asnjë vend", ka thënë Hafizi ndër të tjera për "Supersport".