Berisha: Skandal në prokurori, zhduken përgjimet e Alizotit
Ish-
kryeministri Sali Berisha denoncoi dje se janë zh dukur 120 faqe transkript të regjistrimeve të bisedave të dëshmitarit të rremë, Fred Alizotit me urdhër të kryeministrit Edi Rama. "Zhduken në prokurori nga Edvin Kristaq Rama dhe banda e tij kriminale 120 faqe transkripte të regjistrimeve të bisedave të dëshmitarit të rremë Fred Alizoti, të cilat sipas OPGJ dixhitale implikonin direkt në krimin e shëmtuar të manipulimit të kallp dëshmitarit, mafiozët Rama, Xhafaj, Balla, Geron Veliu", shkruan Berisha. Sipas tij, faqet që mungojnë janë vjedhur nga mercenarët e bandës kriminale, që sipas tij, janë bërë me urdhër të kryeministrit Rama për t'i shpëtuar demaskimit. "Faqet që mungojnë në numër rendor të faqeve të transkriptuara janë vjedhur nga mercenare të bandës kriminale të qeverisë për t'i shpëtuar ata nga demaskimi i plotë i implikimit të tyre në manipulimin e dëshmitarit të rremë Alizoti. Rikujtoj këtu se operacionet e vjedhjes së dosjeve të dokumenteve top- sekret, madje edhe të gjithë serverit filluan me Prokurorinë e Durrësit fill pasi Edvin Kristaq Rama u shpall krye bandit i narkoshtetit", nënvizon ai. Berisha iu bën thirrje qytetarëve shqiptarë që të luftojnë fuqimisht për të larguar nga pushteti qeverinë dhe kryeministrin Edi Rama.
GRIDA DUMA
"Në një kohë që policia e Fatmir Xhafajt është ngritur e gjitha në këmbë për të mbrojtur vëllain e tij trafikant droge, Shqipëria është zhytur në kaos dhe kriminalitet. Krimi godet çdo orë në çdo skaj të Shqipërisë", tha zj. Duma.