Paketa, Rama: Çdo shpifje në gjyq, çdo lek i fituar në Fondin e Edukimit
Qeveria, së shpejti vendim për reagimin e detyruar ligjor nga çdo institucion "Ka ardhur koha të faktojnë para se të akuzojnë"
do ministër dhe çdo deputet i PS- së do të çojë në gjykatë çdo shpifje të bërë nga opozita dhe media. Kryeministri Edi Rama prezantoi dje pika të së ashtuquajturës "Paketa antishpifje", e cila është një propozim për mbledhjen e zgjeruar të grupit parlamentar të PS- së dhe qeverisë. Me paratë që do të marrin nga dëmshpërblimet, drejtuesit socialistë do të shtojnë, sipas kryeministrit, Fondin për Edukimin. "Asnjë ministër dhe asnjë deputet i Partisë Socialiste nuk do të tolerojë më asnjë shpifje. Çdo shpifje të hedhur në drejtimin tonë nga kazani politik e mediatik, a qoftë edhe nga kazani i profileve zyrtare digjitale, ne do ta padisim në gjykatë", u shpreh dje kryeministri Rama. "Boll me përgënjeshtrime, boll me kundërpërgjigje, boll me debate televizive të sajuara për t'u bërë jehonë shpifjeve apo për të fituar audiencë e me zhurmën e fabrikës së baltës. Boll me këtë neveri që po helmon Shqipërinë dhe po rrënon çdo gur të themelit të edukatës e mirësjelljes qytetare, të cilin çdo familje e ndërton përditë me aq mund e durim për fëmijët e vet. Çdo shpifje në gjyq! Çdo lek i fituar nga një gjyq për shpifje do të shkojë në Fondin e Edukimit. Ky fond do të krijohet prej nesh për të mbështetur çerdhet, kopshtet, bibliotekat e shkollave, nxënësit e mirë të çdo komuniteti, me libra, kompjutera apo materiale mësimore", është ky propozimi i kryeministrit, që do t'i delegohet mbledhjes së grupit parlamentar ditën e hënë. Sipas Ramës, "Fondi i Edukimit do të garantojë që paratë e ardhura nga gjyqet që do të bëjnë kryeministri, ministrat, deputetët, kryebashkiakët socialistë apo të tjerë veprimtarë të forcës sonë politike të gjendur përballë një shpifjeje, të shkojnë në destinacion, mbështetur në propozimin e fituesit të gjyqit. Fondi i Edukimit - propozon kryeministri - do të ketë një bord drejtues, të zgjedhur me propozimin dhe miratimin e mbledhjes së zgjeruar të grupit parlamentar e qeverisë. Ky bord do të trajtojë propozimet e lartpërmendura dhe është e vetmja instancë që mund të vendosë tërheqjen nga një proces gjyqësor për shpifje. Ndërkohë, në Partinë Socialiste do të ngrihet menjëherë Departamenti Antishpifje, i cili do të koordinojë dhe ndjekë ecurinë e betejës sonë frontale ligjore kundër Shpifjes. Kazanpolitika dhe kazanmedia s'mund ta kthejnë Shqipërinë në kazan. Shpifësit duhet të paguajnë dhe ne nuk do t'i kalojmë më në heshtje apo me reagime politike, fëlliqësitë e tyre. Çdo shpifje ndaj nesh do ta kthejmë në të ardhura për Fondin e Edukimit. Ngarkohet një grup pune për për- gatitjen e dokumenteve të themelimit dhe funksionimit të Departamentit Antishpifje dhe Fondit të Edukimit. Këto struktura duhet të jenë operacionale, menjëherë pas kalimit në Kuvend të Paketës Antishpifje", u shpreh dje Rama. Kreu i qeverisë dhe i PS- së pret propozime nga çdo pjesëtar i grupit dhe i kabinetit të tij. "Këshilli i Ministrave do të diskutojë së shpejti projektvendimin për reagimin e detyruar ligjor ndaj shpifjes, të çdo institucioni "Lulzim, se sa i vendosur je ti e dinë të gjithë, po ndonjë provë për akuzat ndaj meje ia dhe prokurorisë? Se në fund nuk është një kazan që ndahet e vërteta, po më pas edhe në gjykatë për dëm moral dhe aty do të ta mat kokën mirë, se me lekët që do paguash si shpifës, do rindërtoj një kopsht të ri në Librazhd o pinok", iu drejtua dje, deputeti i PS- së, kreut të opozitës.
apo enti publik në Republikën e Shqipërisë", theksoi Rama. Ndërkohë, pas reagimeve që solli propozimi i tij, Rama shkroi sërish në "Twitter": "Qenkan acaruar shpifësit pse do t'i çojmë në gjyq! Përgjegjësia për fjalën u duket diktaturë, se janë mësuar të paguhen majmur për të fëlliqur gjithçka prekin me gjuhë. Ka ardhur koha të faktojnë para se të akuzojnë ose t'i kthejnë për edukim ca nga lekët e fituara duke shpifur".