Rama: Në BE shpifja dënohet me burg, për ' gjysmagjelat' tanë gjobë
Kryeministri dënon shpifjen: ' Gjysmagjelat' politikë e mediatikë s'meritojnë as supë burgu "Do paguajnë gjobën e ndotjes për çdo fëlliqësirë"
Kryeministri Edi Rama mbrojti sër ish propozimin e tij për hartimin e një ligji që dënon shpifjen. Në kohën kur ka vendosur që ai dhe përfaqësuesit e partisë së tij të denoncojnë çdo akuzë që do ta cilësojnë si shpifje, kryeministri Edi Rama thotë se kjo e fundit në vendet e Bashkimit Europian dënohet deri në 25 vjet burg. Megjithatë, ashtu siç ka përsëritur edhe në të shkuarën, kreu i qeverisë thotë se ata që shpifin nuk meritojnë që të shkojnë në burg, duke ritheksuar se "' gjysmagjelat' nuk meritojnë as 1 supë burgu". Dënimi për ta do të jetë gjoba. "Shpifja dënohet me burg në 25 vende të BE! Gjysmagjelat tanë të majmur nga xhepat e nga trutë, që kanë bërë karriera politike e mediatike duke sharë e akuzuar pa prova, s'meritojnë as 1 supë burgu! Ata thjesht do të paguajnë gjobën e ndotjes për çdo fëlliqësi që u nxjerr goja", shkruan kryeministri në një postim në "Twitter". Dy ditë më parë kreu i qeverisë tha se për çdo njërën nga çështjet që do të fitojnë, do të kërkojnë dëmshpërblim financiar. Të ardhurat do të shkojnë për një strukturë të re, që do të ngrihet nga shumica e që ai propozoi ta pagëzojnë si Fondi i Edukimit. Rama paralajmëroi gjithashtu ngritjen e një departamenti antishpifje në selinë roze, i cili do të koordinojë dhe ndjekë ecurinë e proceseve gjyqësore, që do të hapen për çdo shpifje ndaj socialistëve. Kryeministri deklaroi se do të hedhë në gjyq dhe do të kërkojë dëmshpërblim financiar për çdo politikan, gazetar apo komentues të rrjeteve sociale, për çdo akuzë që socialistët mund ta cilësojnë si shpifje ndaj tyre. Ai njoftoi paktën antishpifje, ndërsa tha se çdo lek i fituar nga një gjyq për shpifje, do të shkojë në Fondin e Edukimit. "Çdo shpifje të hedhur në drejtimin tonë nga kazani "Sa vite burg do të vendosë kryeministri në paketën e tij antishpifje për atë që ' shpif' se çmimi stratosferik i naftës, rritja e mëtejshme e tij, cilësia e saj skandaloze, vijnë nga taksat e larta dhe aferat korruptive të qeverisjes?", - shkruan deputeti i PD- së.
"Me urdhër të kryeministrit Sali Berisha, asnjë gazetar apo politikan nuk u padit as civilisht nga qeveria apo administrata për shpifje, edhe pse Kodi Civil ka dispozitat e nevojshme kundër shpifjes, pra nuk ka nevojë për rregulla shtesë", tha z. Bylykbashi.