Presidenti i Serbisë: Partnerët gjurmojnë për anëtarësimin e kosovarëve në Interpol
Aleksandar
Vuçiç, Presidenti i Serbisë, ka pranuar se janë në situatë të vështirë në lidhje me krijimin e ushtrisë së Kosovës. Në një deklaratë Vuçiç ka thënë se janë në situatë të vështirë në lidhje me krijimin e ushtrisë së FSK- së. “Paralajmërimet nga Kosova rreth formimit të ushtrisë ngjallin frikë tek serbët”, deklaroi ai. Vuçiç pranoi se Serbia gjendet në situatë të vështirë. “Disa prej partnerëve tanë perëndimorë janë duke u përpjekur që Kosova të jetë anëtare e Interpolit”, është shprehur transmeton “lajmi. net”. Serbia planifikon që për këtë arsye, ministri i Punëve të Jashtme, Ivica Daçiç do të ketë më shumë udhëtime gjatë kësaj jave, kurse me angazhime do të jenë edhe ministri i Punëve të Brendshme, njësoj si kryeministrja. Vuçiç ka thënë se në lidhje me këto tema ka paralajmëruar edhe sekretarin e përgjithshëm dhe se nuk ka më shumë çfarë të shtojë për serbët në Kosovë. “Nuk do t’i lejojmë njerëzit tanë pa mbështetje, do të bëjmë gjithçka që të mos arrihet deri te ndonjë sjellje e papërgjegjshme”, theksoi ai. Nga ana tjetër, Forca e Sigurisë së Kosovës është prej kohësh në kërkim të plotësimit të vendeve të lëna bosh nga pjesëtarët e komunitetit serb, të cilët dytre muajt e fundit kishin braktisur radhët e saj. Rreth 100 pjesëtarë të FSKsë nga komuniteti serb e kishin braktisur këtë forcë, sipas tyre, për shkak të presioneve që ishin ushtruar ndaj tyre nga autoritetet serbe në Beograd. Megjithatë, ministri i Forcës së Sigurisë së Kosovës, Rrustem Berisha, thotë se ka interesim nga të rinjtë serbë për të qenë pjesë e ushtrisë së Kosovës. Sipas tij, për procesin e tanishëm të transformimit të FSK- së kjo çështje nuk është problem. “Realisht, interesimi është shumë i madh për plotësimin e vendeve të punës dhe ne si FSK, unë si ministër dhe stafi im jemi shumë të përkushtuar që t’i plotësojmë këto vende sa më parë dhe të hapim konkursin për plotësimin e vendeve të punës nga komuniteti joshumicë, realisht nga komuniteti serb”. “Më vjen keq që ata kanë marrë një vendim të tillë pa dëshirën e tyre, por me ndikime nga jashtë. Mendoj se me vendimin për tranzicion të FSK- së, serbët nuk do të kenë më presion për ta lëshuar Forcën e Sigurisë së Kosovës”, thotë Berisha. Ai shprehet gjithashtu, se aktualisht në Kuvendin e Kosovës pritet të shqyrtohen dhe miratohen tri projektligje që kanë të bëjnë me transformimin e FSK- së. Bëhet fjalë për Ligjin për Forcën e Sigurisë së Kosovës, Ligjin për Shërbim në Forcën e Sigurisë së Kosovës dhe Ligjin për transferimin e Ministrisë së Forcës së Sigurisë në Ministri të Mbrojtjes.